ЮНЕСКОнинг Бутунжаҳон мероси рўйхатига киритилган қадимий Палмира шаҳри ҳам зарар кўрди. Сурия инсон ҳуқуқлари обсерваториясининг маълум қилишича, зарбада 61 киши ҳалок бўлган. Улардан 33 нафари қуролли тузилмаларга, жумладан, 4 нафари “Ҳизбуллоҳ” билан алоқадор, 22 нафари Сурия фуқароси эмас ва 2 нафар жасаднинг шахси аниқланмаган.

Ироқ 37 йил ичида биринчи марта бутун мамлакатни, жумладан Ироқ Курдистони минтақавий ҳукумати вилоятларини қамраб олган икки кунлик умумий аҳолини рўйхатга олишни бошлади. Бунинг учун мамлакатда икки кунлик комендантлик соати жорий этилди.

АҚШ БМТ Хавфсизлик Кенгашининг доимий бўлмаган ўн аъзоси томонидан тайёрланган ва Ғазода зудлик билан ва сўзсиз ўт очишни тўхтатиш талаб қилинган резолюция лойиҳасига вето қўйди. Ўтган октябрь ойида Яқин Шарқдаги можаро авж олганидан бери Қўшма Штатлар Ғазо секторида ўт очишни тўхтатиш резолюциясига бешинчи марта тўсқинлик қилмоқда.

ОАВ Украинада юқори аниқлиги сабабли ҳар бири 1 млн доллар турувчи АҚШнинг ATACMS ракеталаридан 50 донага яқини борлигини тахмин қилмоқда. Яқинда АҚШ президенти Жо Байден ушбу ракеталардан Россия ҳудудига зарба берилишини маъқуллаган эди.

Исроил Ғазо секторида босқинчилик ва қирғинбарот урушини бошлаганига 411 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Швейцарияда жамоат жойларида ниқоб ва бурқа тақиқи 2025 йил 1 январдан кучга киради. Ушбу тақиққа амал қилмаганлар 1144 долларгача миқдорда жаримага тортилиши мумкин.

Судан ҳукумати Тезкор ҳаракат кучларининг (RSF) пойтахт Хартум ғарбидаги Омдурманда масжидга уюштирган артиллерия ҳужумида камида беш нафар тинч аҳоли ҳалок бўлганини маълум қилди. Шунингдек, масжид имоми ва бир қанча болалар жароҳатланган.

Қатарнинг «Ал-Жазира» телеканали Исроил танк ва зирҳли техникалари Сурия чегарасини кесиб ўтгани ва янги чегара чизиқларини барпо этиш бўйича муҳандислик ишлари олиб борилаётганини маълум қилди. Башар Асад ҳукумати эса сукут сақлашни афзал кўриб, бу ҳақдаги маълумотлар сизиб чиқишига қаттиқ қаршилик кўрсатмоқда.

Россия президенти Владимир Путин Ҳиндистонга ташриф буюради. Ҳиндистон бош вазири Россия президенти билан Қозон шаҳрида бўлиб ўтган учрашувда Россия раҳбарини келгуси йили Россия-Ҳиндистон йиллик саммитида иштирок этиш учун Ҳиндистонга таклиф қилган эди.

Абхазия президенти Аслан Бжания мухолифат билан музокаралар якунига кўра истеъфога чиқди. Президент билан биргаликда бош вазир Александр Анкваб ва Давлат хавфсизлик хизмати раҳбари Дмитрий Дбар ҳам ўз лавозимларини тарк этишмоқда. , Абхазияда Россия ва Абхазия ўртасидаги сармоявий келишувдан норозилик сабабли бир ҳафтача олдин норозилик намойишлари бошланган эди.