Бомбаланаётган Ғазо: 411-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 411 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

▪️Босқинчилар Байт Лаҳия, Тал ал-Ҳава ҳудуди, Нусейрат ва Жабалия лагерларига ҳужум қилди. Кун давомида 28 киши ҳалок бўлди. Уруш бошланганидан буён 43972 киши шаҳид бўлди.

▪️Камол Адван касалхонасига уч соатлик ҳужум чоғида муассасанинг томи ва юқори қаватлари вайрон қилинди. Касалхонада болалар, кексалар, аёллар бор эди. Касалхонага ҳар куни тўйиб овқатланмайдиган болалар турли касалликларга чалиниб келмоқда.

▪️Ғазо фуқаролик мудофааси: Ишғол самолётларининг нишонидамиз. Ал-Сабра ҳудудида қутқарув ишлари олиб борилаётганда бизга қарата ўт очилди. Бир қутқарувчи ҳалок бўлди, яна 3 нафари яраланди.

▪️"Ал-Жазира" мухбири ва журналист Хосам Шабат Исроилнинг Ғазо шаҳрини бомбалаши натижасида яраланди. Босқинчилар уни хизмат пайтида нишонга олишган.

▪️Ғарбий Соҳилда ишғолчилар Рамаллаҳ, Женин, Ал-Халил, Қуддус ва Наблусга ҳужум қилди. Женинда портлаш товушлари эшитилди. Женин лагерининг 5 нафар фуқароси шаҳид бўлди, 9 нафари яраланди.

▪️БМТ: 2023 йил 7 октябрдан бери Исроил Ғарбий Соҳилда 171 нафар болани ўлдирди.

▪️Ливандаги қаршилик жангчилари мамлакат жанубидаги Маркаба шаҳри чеккасида босқинчиларнинг пиёда аскарларига, уларнинг ҳарбий қутқарувчилари ва қутқарувчиларга ракета билан ҳужум қилди. Босқинчиларнинг учта отряди йўқ қилинди.

▪️Босқинчилар Бекаа водийси, Ливан жанубидаги Ханин, Ал-Жубейн, Ал-Мансури, Нақура, Айтит, Зибқин ва Тир шаҳарларига йирик ҳужумлар уюштирди. Исроилнинг Ливандаги тажовузи бошланганидан бери 3481 киши ҳалок бўлди, 14786 киши яраланди.

▪️Хусийлар Адан кўрфазида турк юк кемасига икки марта ҳужум қилди. Юк кемаси Исроилга йўл олган ва Яман ҳарбий-денгиз кучларининг огоҳлантиришига эътибор бермаган.

Мавзуга алоқадор

Энг кўп ўқилган

Тавсия қилинган