Росси Бош прокуратураси Нижний Новгород вилояти мусулмонлари диний бошқармаси Уламолар кенгаши раҳбари Мунир Беюсов, Свердловск вилояти мусулмонлар диний бошқармаси раҳбари Артур Мухутдинов ва Россия мусулмонлари диний бошқармаси раисининг биринчи ўринбосари Дамир Мухетдиновга кўпхотинлиликка оид баёнотлари учун огоҳлантириш берди.

Россия Бош прокуратураси РФ мусулмонлари диний бошқармасининг кўпхотинлиликка рухсат берувчи фатвосини "амалдаги қонунчилик ва давлат оила сиёсати асосларини асраб-авайлаш ҳамда анъанавий рус маънавий-ахлоқий қадриятларини мустаҳкамлаш соҳасидаги қонун ҳужжатларига зид" деб топди. Шу муносабат билпн мазкур фатвони бекор қилиш таклифини киритган.

Бир қатор давлатлар, жумладан, Қозоғистон, Қирғизистон ва Озарбайжон ўз фуқароларини Украинани тарк этишга чақирди. Украина Ғарб тақдим этган ракеталардан Россия ҳудудига зарбалар беришни бошлади. Россия бунга жавоб беришга тайёрланмоқда.

Ушбу ҳужжатга кўра, Россия ўзига ва (ёки) иттифоқчиларига қарши ядровий ва (ёки) оммавий қирғин қуролларининг бошқа турларини қўллашга жавобан ядро қуролидан фойдаланиш ҳуқуқини ўзида сақлаб қолади.

Россиянинг Владимир вилоятида мактабларда ниқоб ва ҳижобга тақиқ қўйилгани Z-патриотлар ва Шимолий Кавказ республикалари сиёсатчилари ўртасидаги зиддиятларга сабаб бўлди. Россия Давлат Думаси депутати, доғистонлик Бийсултон Ҳамзаев Владимир вилоятидаги амалдорларни “аҳмоқлар” деб атаган. Чеченистондан унинг ҳамкасби Адам Делимханов Владимир вилояти маҳаллий амалдорлари билан “музокаралар” ўтказилаётганини маълум қилган. Ушбу баёнотлар Z-патриотларини ғазаблантирган.

Владимир вилояти Россияда биринчи бўлиб мактабларда ҳижоб ва ниқобни бутунлай тақиқлади. Ушбу қарор Россия “черков давлатдан, жумладан, таълим тизимидан ажратилган дунёвий давлат” эканлиги билан боғлиқ экани баҳона қилинди.

Россия президенти Владимир Путин Курск вилоятига бостириб кирган Украина Қуролли кучларининг айрим бўлинмалари қуршовга олингани ва йўқ қилинаётганини билдирди. Бундан ташқари, у Россия армияси Украинадаги бутун фронт чизиғи бўйлаб олдинга силжишда давом этаётганини таъкидлади. Украина томони ҳозирча унинг баёнотларига муносабат билдиргани йўқ.

Чеченистонда номаълум шахслар Россия гвардияси карвонига ҳужум қилди. Росгвардия матбуот хизмати бир ҳарбийнинг ҳалок бўлгани, бир хизматчи яраланганини маълум қилди. Ҳужум қилганлар яширинган.

2024 йилнинг биринчи олти ойида Россия судлари 85,8 минг муҳожирни чиқариб юборишга қарор қилди, бу 2022 йилдаги барча кўрсаткичлардан ошиб кетди. Судлар томонидан муҳожирларга солинадиган жарималар миқдори ҳам ортиб бормоқда. 2024 йилнинг биринчи олти ойида хорижликлар 590 миллион рубль (6,1 млн доллардан зиёдроқ) миқдорида жаримага тортилган. Бу бутун 2023 йил билан деярли тенг.

Украина Бош разведка бошқармаси бошлиғи Кирилл Буданов Шимолий Корея қўшинлари Украинага қарши урушда қатнашиш учун Россияда тайёргарликдан ўтаётгани ҳақидаги маълумотни тасдиқлади. Унинг сўзларига кўра, ҳозирда Шимолий Кореянинг 11 мингга яқин пиёда аскарлари Россия шарқида тайёргарликдан ўтмоқда ва улар 1 ноябрдаёқ жанговар ҳаракатларга тайёр бўлишади.