Украинада ҳалок бўлган Россия армияси сафидаги 118 минг аскар орасида 500 нафардан ортиғи хорижлик. Улар орасида ўзбек ва тожиклар етакчи ўринда турибди. Украинада ҳалок бўлган ҳарбийлар рўйхатини тузган BBC, Mediazona ва кўнгиллилар жамоаси 66 ўзбекистонлик ва 72 тожикистонлик фуқаронинг шахсини аниқлади.

Россиянинг "Вагнер" хусусий ҳарбий компанияси сафида Украинага қарши жанг қилган 25 ёшли Ўзбекистон фуқароси аввалига Самара вилоятида гиёҳванд моддалар савдосида айбланиб қамалгани, кейин эса мажбуран урушга олиб кетилганини айтди. Судланувчига кўра, 2022 йилда у жазони ўтаётган жазони ижро этиш муассасасига келган "Вагнер" хусусий ҳарбий компанияси аъзолари урушга боришни истамаганларни йиғилганлар кўз ўнгида отиб ташлашган.

Истанбулда бўлиб ўтган музокараларда Киев ва Москва оғир касал, ярадор ҳамда 18 дан 25 ёшгача бўлган асирларни алмашишга келишиб олишди. Шунингдек, томонлар ўлганларнинг жасадларини "6000 га 6000" форматида алмашишади.

РФ Тергов қўмитаси раиси Александр Бастрикиннинг айтишича, Россия фуқаролигини олган 20 мингдан ортиқ ўзбек, қирғиз ва тожик ёшлари Украинага қарши урушиш учун олдинги сафларга ташланган.

АҚШ президенти Доналд Трампнинг маълум қилишича, у 15 майда Истанбулда Россия ва Украина ўртасида ўтказилиши режалаштирилган музокараларда шахсан ўзи қатнашиши мумкин. АҚШ етакчиси Эрдўғоннинг ажойиб мезбон эканлигини эътироф этган.

Украина АҚШ таклифи асосида Россия билан 30 кунлик сулҳга рози бўлди. Жиддадаги музокаралар ортидан қабул қилинган бу қарор Кремль томонидан ҳали расман маъқулланмаган. Россия ҳозир фронтда устунликка эга эканини ҳисобга олганда, Москва сулҳга рози бўлиши эҳтимоли паст. Шу билан бирга, АҚШ ва Украина келишуви Киевга ҳарбий ёрдамни қайта тиклаш билан ҳамоҳанг кечмоқда. Кремль музокаралар бўйича ўз шартларини қўйиши кутилмоқда.

Украина АҚШнинг 30 кунлик тўлиқ ўт очишни тўхтатиш таклифини қабул қилди. Ўт очишни тўхтатиш режаси Россиянинг розилигини талаб қилади ҳамда жанг ҳаракатларини тўлиқ тўхтатишни, шу жумладан дрон ва ракета ҳужумлари ҳамда Қора денгиздаги ҳарбий фаолиятни тўхтатишни ўз ичига олади.

Украина президенти Владимир Зеленский 2025 йилда урушни тугатиш имкониятлари ҳақида маълум қилди. Унинг айтишича, Украинада тинчлик ўрнатиш учун Россияга қарши санкцияларни кучайтириш ва мамлакат хавфсизлиги кафолатларини таъминлаш керак. "Путиннинг ғалабаси – Ғарб дунёсининг мағлубиятидир. Агар у тўхтатилмаса, кейин Литва, Латвия, Эстония ва Полшага ўтади", деди Зеленский.

Украина август ойида босиб олинган Россия ҳудудларининг 40 фоиздан ортиғини бой берди. Россия Киев юришини тўхтатиш учун Курск вилоятига 59 мингга яқин аскарини жойлаштирган. Бундан ташқари, Шимолий Кореянинг 11 мингга яқин аскари ҳам Россияни қўллаб-қувватлаш учун Курск вилоятига келган.

Укаина яқин вақтларда Россия ҳудудининг узоқ қисмларига ATAMS, SCALP/Storm Shadow каби узоқ масофали ракеталардан зарба бериши мумкин. АҚШ, Британия ва Франция улардан фойдаланишга рухсат берди.