Бирлашган миллатлар ташкилоти ўз баёнотида "афғон ҳукуматининг бутун мамлакат бўйлаб интернетни ўчириш қарори минтақадаги гуманитар вазиятга салбий таъсир қилгани"ни маълум қилди.

"БМТ бетараф муассаса бўлиб қолиши керак эди. Бироқ ҳозирда у Ғарбнинг сиёсий кўрсатмалари таъсирида фаолият юритмоқда. У ўз самарадорлиги ва мустақиллигини йўқотган", дейди Афғонистон ҳукумати сўзчиси Забиҳуллоҳ Мужоҳид.

Исроил расман БМТ Инсон ҳуқуқлари кенгашидан чиқди. Бу ҳақда мамлакат ташқи ишлар вазири Гидеон Саар маълум қилди. Исроилнинг иддаосича, Кенгаш инсон ҳуқуқларини поймол қилувчи давлатларга ҳимоя бераётган бир пайтда, Исроилга қарши бир томонлама позицияни эгаллаб келмоқда.

Жорий йилнинг март ойидан бери Яманда авж олган вабо эпидемиясидан 720 дан ортиқ одам ҳалок бўлди. Мамлакат бўйлаб 203 мингдан ортиқ касаллик ҳолати қайд этилган. ЖССТ маълумотларига кўра, Ямандаги соғлиқни сақлаш муассасаларининг атиги 51 фоизи тўлиқ ишламоқда, 36 фоизи эса чекланган хизматларни тақдим этяпти.

Афғонистон ҳукумати БМТнинг Афғонистондаги инсон ҳуқуқлари бўйича махсус маърузачиси Ричард Беннетнинг мамлакатга киришини тақиқлади. Толибон мутасаддиларининг фикрича, Беннет “ишончли одам эмас” ва Афғонистонда ташвиқот олиб бориш учун тайинланган.

2023 йилда дунёнинг 33 мамлакатда 280 нафар инсонпарварлик ташкилотлари ходимлари ҳалок бўлди. Уларнинг ярмидан кўпи ўтган йилнинг октябрь-декабрь ойларида Ғазо секторида қурбон бўлишган. 2024 йилнинг 7 августга қадар эса 172 нафар ёрдам ходими ҳаётдан кўз юмган.

Учрашувда Афғонистонда юзага келаётган вазият муҳокама қилиниб, афғон халқига гуманитар ёрдамни кенгайтириш, жаҳон ҳамжамиятининг бу мамлакатга нисбатан умумий стратегиясини ишлаб чиқиш зарурлиги таъкидланган. Ўзбекистон президенти Шавкат Мирзиёев БМТ бош котиби Антониу Гутерришни “Олий даражали дўстлик” ордени билан мукофотлаган.

Бугун, 29 июнь куни БМТ бош котиби Антониу Гутерриш Марказий Осиё давлатларига сафарини бошлайди. Қайд этилишича, у аввал Ўзбекистонга, сўнгра Қирғизистон, Қозоғистон, Тожикистон ва Туркманистонга ташриф буюради. Шунингдек, Гуттериш 4 июль куни Шанхай ҳамкорлик ташкилотининг Остонадаги саммитида иштирок этади.

БМТ Исроилни "қуролли тўқнашув зоналарида болаларга зарар етказадиган" давлатлар ва ташкилотларнинг қора рўйхатига киритишга қарор қилди. Ушбу рўйхатдан Россия ва террорчи ташкилотлари ИШИД, Ал-Қоида ва Боко-Ҳарам қўпорувчи ташкилотлари ҳам ўрин олган. Айни пайтда Ғазода Исроил ҳужумлари натижасида ҳар 10 дақиқада бир бола ҳалок бўлмоқда ёки жароҳатланмоқда.

Бирлашган Миллатлар Ташкилоти Хавфсизлик Кенгаши (БМТ Хавфсизлик Кенгаши) можаро зоналарида инсонпарварлик ёрдами ва БМТ ходимларини ҳимоя қилиш бўйича резолюция лойиҳасини қабул қилди. Резолюция лойиҳаси Кенгашга аъзо 15 давлатдан 14 тасининг овози билан қабул қилинди, Россия бетараф қолди.