Афғонистон адлия вазири Абдулҳаким Шери мамлакатда шариат ҳукмларининг жорий этилишига қарши Ғарб ҳукуматларининг танқидларига жавоб берар экан, “Мақсадимиз дунёни рози қилиш эмас, шариатни татбиқ этиш”, деди.

Афғонистонда уйларнинг деразаларини қўшнининг уйидаги аёллар кўринадигпн қилиб қуриш тақиқланди. Агарда уй аллақачон шундай кўринишда қурилган бўлса, уй олдига девор ўрнатиш ёки бошқа йўл билан "қўшнига зарар етказилишининг олдини олиш" чоралари кўрилиши лозим.

Россия Хавфсизлик кенгаши котиби Сергей Шойгу Афғонистонга ташриф буюриб, мамлакат олий раҳбарияти билан музокаралар ўтказди. Россия тадбиркорлари учун ҳам иқтисодий, ҳам жисмоний хавфсизлик масалаларига алоҳида эътибор қаратилди.

Афғонистон шимолидаги Бағлон вилоятида ҳазоралар (этник гуруҳ, шиалар)га уюштирилган қуролли ҳужум натижасида, дастлабки маълумотларга кўра, 10 киши ҳалок бўлди.

Ўзбек маршали Абдул Рашид Дўстум Афғонистонга қайтиш нияти борлигини маълум қилди. Унинг Толибонга қаршиликни қайта ташкил этиш ҳамда Афғонистонни озод қилишни режалаштираётгани маълум қилинди.

Покистоннинг Балужистон вилояти Нушки ҳудудида чегарадаги сим панжарани таъмирлаётган аскарлар билан Афғонистон чегара кучлари ўртасида отишма содир бўлди. Манбалар афғон чегара кучлари кўп талофат кўрганини иддао қилишса-да, бу борада икки давлат расмийлари томонидан ҳозирча баёнот берилгани йўқ.

Афғонистоннинг Уммондаги элчихонаси қайтадан ўз фаолиятини бошлади. Қайд этилишича, элчихона фаолияти "Толибон" тайинлаган дипломатлар томонидан юритилмоқда. Ҳозирда дунёнинг 39 та давлатида афғон дипломатик ваколатхонаси фаолият кўрсатмоқда.

Қирғизистон Қозоғистон ортидан Толибонни террорчи ташкилотлар рўйхатидан чиқарди. Минтақадаги кўплаб давлатлар Кобул билан кенг кўламли ҳамкорлик алоқаларини йўлга қўйди, қўшма лойиҳаларни амалга оширишга киришди. Бу давлатларнинг Толибон билан муносабатларни яхшилашга интилишининг сабаби нимада?

АҚШ бошчилигидаги глобал кучлар Афғонистонга бостириб кирганидан сўнг 20 йил ўтиб, 2021 йил августида мамлакатни тарк этди. Ҳокимият Толибон қўлига ўтди. Орадан уч йил ўтиб, Толибон аста-секинлик билан халқаро миқёсда тан олинмоқда. Экспертлар БАА Толибон томонидан тайинланган элчи, Қозоғистон эса ишончли вакилдан ишонч ёрлиқларини қабул қилиб олгани Афғонистон учун янги сиёсий ва иқтисодий истиқболлар очишини таъкидламоқда.

Афғонистон Эзгуликни тарғиб қилиш ва иллатларнинг олдини олиш вазирлиги ўтган йилдаги фаолияти, жумладан, аёллар савдоси ва мусиқага қарши кураш натижалари ҳақида ҳисоботт берди. Жумладан, аёллар савдоси билан боғлиқ 205 та жиноятнинг олди олинган, 25 та вино заводи ёпилган, 21 мингдан ортиқ мусиқа асбоби йўқ қилинган.