Британияда пайшанба куни бўлиб ўтган умумий сайловлардан сўнг турли этник миллатга мансуб 87 нафар парламент аъзосига парламентда вакиллик қилиш ҳуқуқи берилди. Уларнинг 66 нафари Фаластинни тан олишга ваъда берган Лейбористлар партияси аъзосидир. 2019 йилги сайловлардан бери миллий озчилик вакилларидан депутатлар сони 21 нафарга кўпайди.

Буюк Британия бош вазири Риши Сунак Консерватив партиянинг парламент сайловларида мағлубиятга учрагани ортидан истеъфога чиқиш нияти борлигини маълум қилди. “Бу ишга бор кучимни бердим, лекин сиз Британия ҳукумати ўзгариши кераклиги ҳақида аниқ сигнал юбордингиз”, - деди у. Британия бош вазири, шунингдек, Консерватив партия номзодлари ва ходимларидан саъй-ҳаракатлари самарасизлиги учун узр сўради.

Исроил Ғазо секторида босқинчилик ва қирғинбарот урушини бошлаганига 273 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Исроил Ғазо секторида инсониятга қарши жиноятларни содир этганликда айбланаётган бир вақтда Германия ушбу қотил давлатга энг кўп қурол етказиб бериш бўйича АҚШдан кейинги иккинчи ўринда турибди. SIPRI институти маълумотларига кўра, 2023 йилда Германия Исроил “оддий қуролларнинг асосий тоифалари” импортининг 47 фоизини (АҚШ – 53 фоиз) етказиб берган. Германия қуролларининг Исроилга экспорти 2024 йилнинг дастлабки 5 ойида ҳам давом этди.

Эронда президентлик сайловининг иккинчи турига овоз бериш бошланди. Унда икки номзод 69 ёшли собиқ соғлиқни сақлаш вазири, ислоҳотчи Масуд Пезешкиян ҳамда Эрон раҳбарининг республика Миллий хавфсизлик олий кенгашидаги 58 ёшли вакили, консерватив Саид Жалилий президентлик лавозими учун курашмоқда. 3 июль куни ўтказилган сўровларда иштирокчиларнинг 49,5 фоизи ислоҳотчи номзод Пезешкианга овоз беришини айтган. Сайловчиларнинг 43,9 фоизи эса консерватив номзод Саид Жалилини афзал кўрган.

Швецияда мусулмонларга ва Исломга қарши жиноятлар сони ортиб бормоқда. Бу каби ҳодисалар бутун мамлакат миқёсида кенг тарқалган бўлиб, масжидларга ҳужум уюштириш ва ҳижобли аёлларни ҳақорат қилишдан тортиб, иш жойида ёки жамиятда Исломга қарши сўзларни айтиш кабиларда намоён бўлмоқда. “Афсуски, биз бундай ишларга ўрганиб қолганмиз”, – дейди Босния ислом уюшмаси аъзоси Мирза Бабович (66). У эски намозхонлар залида исломга қарши рамзлар чизилгани, қурилиш майдончасига чўчқа қолдиқлари ташлаб кетилгани ва дераза ойналари синдириб кетилгани каби ҳолатларни эсга олди.

Волгабўйи мусулмонлари диний бошқармаси бошлиғи, муфтий Муқаддас-Ҳазрат Бибарсов Доғистон муфтиятининг ниқобни “вақтинчалик” тақиқлаш тўғрисидаги фатвосини танқид қилди. “Доғистон муфтияти мамлакатдаги диний вазиятни чайқатаётганларнинг йўл-йўриғига эргашгани жуда ачинарли...” деб ёзди у.

Исроил Ғазо секторида босқинчилик ва қирғинбарот урушини бошлаганига 272 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Остонада Қозоғистон раислигида Шанхай ҳамкорлик ташкилотининг 24-саммити иш бошлади. “Кўп томонлама мулоқотни мустаҳкамлаш: барқарор тинчлик ва тараққиётга интилиш” шиори остида ўтаётган саммитнинг асосий кун тартиби долзарб халқаро ва минтақавий муаммоларни ҳал этишда ШҲТ ролини кучайтиришдан иборат бўлади. ШҲТ+ форматидаги саммитда 16 мамлакат давлат ва ҳукумат раҳбарлари, шунингдек, БМТ, ИҲТТ, Озиқ-овқат хавфсизлиги бўйича Ислом ташкилоти, МДҲ, КХШТ каби халқаро ташкилотлар вакиллари иштирок этмоқда. Саммит давомида Беларув ШҲТнинг 10-тўлақонли аъзоси бўлди.

Исроил мерос ишлари вазири Амикай Элияху ижтимоий тармоқларда жамоатчиликни Ғазо сектори, Ғарбий Соҳил ва Синай ярим оролини ўз ичига олган Исроил харитаси туширилган футболкаларни сотиб олишга чақирди. Элияху ўта ўнгчи сиёсатчи – миллий хавфсизлик вазири Итамар Бен-Гвир етакчилик қиладиган «Оцма Йехудит» партияси аъзоси ҳисобланади. Харита эса Исроил Мисрнинг Синай ярим оролига ҳам кўз тикканидан дарак беради.