Ўзбекистон ташқи ишлар вазири Бахтиёр Саидов Афғонистон бош вазири Мулла Муҳаммад Ҳасан Охунд билан учрашди. Ушбу учрашув давомида савдо, гуманитар ҳамкорлик ва минтақавий боғлиқликни ривожлантириш, жумладан, “Ўзбекистон – Афғонистон – Покистон” темирйўли бўйича ҳадли битим масалалари муҳокама қилинган.

Россия Мудофаа вазирлигининг маълум қилишича, ўқув машғулотлари 15–21 июль кунлари “Термиз” полигонида бўлиб ўтади. Ҳарбий бўлинмалар чегара ҳудудларига ноқонуний қуролли тузилмалар кириб келган тақдирда уларни аниқлаш ва йўқ қилиш, душманнинг кичик гуруҳларига қарши урушиш ва бошқа машқларини бажаради. Россия ҳарбий контингентининг асосий қисмини Тожикистонда жойлашган 201-ҳарбий базаси бўлинмалари ташкил этади.

Ўзбекистон элчиси Алишер Тўхтаев Покистон мудофаа саноати вазири Ҳаят Ҳарраж билан учрашди. Суҳбат давомида икки мамлакат ўртасидаги сиёсий, савдо-иқтисодий, илмий-техникавий ва, айниқса, мудофаа соҳасидаги ҳамкорликни халқаро ва минтақавий жараёнларни ҳисобга олган ҳолда янада чуқурлаштиришнинг муҳимлиги таъкидланган.

"Юксалиш" ҳаракати ўтказган сўровномада қатнашганларнинг 41,1 фоизи "элга тўй беришим керак" деган мажбурият сабаб тўйга катта харажат қилишини айтган. Ажабланарлиси, "Тўй қандай бўлиши керак?" деган саволга респондентларнинг аксарияти – 39,62 фоизи – "Камтарона" вариантини танлаган. "Дабдабали, ҳашаматли" вариантини эса атиги 6,66 фоиз респондент афзал кўрган.

Ўзбекистон президенти Шавкат Мирзиёев масъулларга эрта никоҳ учун жавобгарликни кучайтиришга қаратилган қонун лойиҳасини тайёрлаш ҳақида топшириқ берди. Унинг қайд этишича, эрта никоҳ ва эрта туғруқларнинг олдини олиш чоралари кескин кучайтириш мақсадида Бош прокуратура ва Адлия вазирлиги тизимлари интеграция қилинган. Уларни дарҳол аниқлаш ва тегишли чора-тадбирларни белгилаш имконияти кенгайтирилган.

Янги қонун лойиҳаси билан узлуксиз 90 кун ва ундан ортиқ муддат давомида чет элда бўлиб қайтган 18 ёшдан 60 ёшгача бўлган Ўзбекистон фуқароларини мажбурий равишда ОИВга тиббий текширувдан ўтказиш белгиланмоқда.

2025 йилнинг I чорагида Ўзбекистоннинг ялпи ташқи қарзи 68,4 млрд долларга етган. Иқтисодчи Миркомил Холбоевнинг таҳлил қилишича, жорий йилнинг биринчи чорагида ялпи ташқи қарз бўйича жами фоиз тўловлари 881 млн долларни ташкил этиб, 2024 йилнинг мос даврига нисбатан 12,4 фоизга ёки 98 млн долларга ошган.

Бугун икки мамлакат етакчилари Олий давлатлараро кенгашнинг иккинчи йиғилишини ўтказади, “Ўзбекистон” боғига тамал тоши қўяди ва Ўзбекистоннинг Бокудаги элчихонаси янги биносини очиб беради. Эртага, 3 июль куни Президентлар Шавкат Мирзиёев ва Илҳом Алиев мулоқотни Озарбайжоннинг Қорабоғ туманида давом эттириб, Хонкендидаги қўшма тикувчилик фабрикаси ва Ағдам шаҳридаги “Иморат” тарихий-меъморий мажмуаси билан танишади.

Янги қонунга кўра, диний ташкилот бошқаруви марказий органининг рухсатисиз вояга етмаган шахсга Исломдан сабоқ бериш, худди шунингдек вояга етмаган шахсга хусусий тартибда динини ўргатиш базавий ҳисоблаш миқдорининг 50 бараваридан 100 бараваригача миқдорда жарима ёки 360 соатгача мажбурий жамоат ишлари ёки 3 йилгача ахлоқ тузатиш ишлари ёхуд 1 йилдан 3 йилгача озодликни чеклаш ёки 3 йилгача озодликдан маҳрум қилиш билан жазоланади. Ушбу ҳужжат сенаторлар томонидан маъқулланиб, имзолаш учун президентга юборилган.

Шавкат Мирзиёев ва Хитой раиси Си Цзиньпин "Марказий Осиё – Хитой" саммити доирасида музокара ўтказди. Етакчилар "Хитой – Қирғизистон – Ўзбекистон" стратегик темирйўли қурилишини жадаллаштириш муҳимлигини таъкидлашган. Таълим, фан, туризм ва маданият, кадрлар тайёрлаш ҳамда хитой тилини ўрганиш соҳаларидаги алмашинувларни ривожлантиришдан манфаатдорлик билдирилган.