The Washington Post нашри ўз манбаларига таяниб, Исроил яқин ойларда Эроннинг ядровий иншоотларига зарба беришни режалаштираётгани ҳақида хабар берди. Манбага кўра, Исроил 2025 йилнинг биринчи ярмида Фордо ва Натанз ядровий объектларига ҳужум қилишга тайёргарлик кўрмоқда.

Швециянинг Эребру шаҳридаги Рисбергска ўрта мактаби кампусида қуролли ҳужум содир бўлди. Ҳужумчи автоматик қурол билан 10 кишини ўлдирган. Маълум қилинишича, ҳодиса террористик мақсадда амалга оширилмаган.

Истанбулнинг Сариер туманидаги Санта Мариа католик черковига ниқобли икки қуролланган шахс ҳужум қилиши оқибатида бир киши ҳалок бўлди. Ҳужум ортидан 47 киши, жумладан, икки нафар хорижлик – Россия ва Тожикистон фуқаролари қўлга олинган.

АҚШнинг Нью-Жерси штатида масжид имомига ўқотар қуролдан ҳужум қилинди, у оғир тан жароҳати билан касалхонага ётқизилди.