БМТ Аҳолишунослик жамғармаси маълумотларига кўра, 2014 йилдан бери Украина аҳолиси тахминан 10 миллион кишига камайди (фақат 2022 йилдан сўнг – 8 миллионга). Жумладан, 6,7 миллион киши қочқин сифатида хориж мамлакатларига чиқиб кетди. Шунингдек, уруш пайтида камида 11973 нафар тинч аҳоли ҳалок бўлган.

Халқаро валюта жамғармаси (ХВЖ) Россия-Украина можаросининг давомийлиги юзасидан ўз прогнозини қайта кўриб чиқди. Ҳозирги таянч сценарий жанглар 2025 йил охиригача, салбий сценарийда эса 2026 йилнинг ўрталарига қадар давом этиши мумкинлигини кўрсатмоқда. Айни пайтда аксарият таҳлилчилар Оқ уйда маъмурият ўзгариши фонида можаро келаси йилдаёқ барҳам топиши мумкинлигини тахмин қилишмоқда.

Россия фуқаролигини олиш учун Украинадаги урушда қатнашган ва яраланиб, Ўзбекистонга қайтган самарқандлик 56 ёшли эркак уч йилга қамалди. Унинг телефонидан РФ ҳарбий гувоҳномаси, жароҳатлангани ҳақидаги маълумотнома ва Россия паспорти расмлари чиққан.

Россия қўшинлари қарийб икки йиллик уринишлар ва катта йўқотишлардан сўнг Украинанинг Донецк вилоятидаги Угледар шаҳарчасини эгаллаш арафасида турибди. Ушбу стратегик муҳим шаҳарни ҳимоя қилиб келаётган украин горнизони чарчаган ва дастакка муҳтож.

Россия бошқарилувчи авиабомбалар ёмғири ва пиёдалар ҳужуми орқали Украина шарқида илгариламоқда. Бир ҳафта ичида 57 кв км украин заминини ўзига қўшиб олди. Тинч аҳоли эвакуация қилинмоқда.

Россия судлари Украинадаги уруш бошланганидан буён 53 нафар фаол ва мухолифатчини мажбурий психиатрик даволанишга ҳукм қилди.

Россия Давлат Думаси депутати ва Оила масалалари қўмитаси раҳбари Нина Останина Украинадаги "махсус операция" Россияда туғилиш даражаси ва болали оилаларнинг ҳаёт сифатига салбий таъсир кўрсатаётганини маълум қилди. У 300 минг чақирилувчи ва шунча миқдордаги кўнгиллиларнинг ҳарбий ҳаракатларга жалб этилиши туғилиш даражасига салбий таъсир кўрсатишини таъкидлади. Қайд этилишича, 2024 йилнинг дастлабки беш ойида Россияда аҳоли сони 282 минг кишига камайган, бу – ўтган йилнинг шу даврига нисбатан 45 минг кишига кўпроқ дегани.

Қирғизистон суди Россия қўшинлари сафида Украинадаги урушда иштирок этган мамлакат фуқаросига нисбатан ҳукм ўқиди. Фуқаро хорижий давлат ҳудудидаги қуролли можароларда иштирок этиш тўғрисидаги модда бўйича айбдор деб топилиб, беш муддатга қамалди. Собиқ ёлланма аскар ҳукмдан норози ва аллақачон апелляция аризасини топширган.

6 апрелга ўтар кечаси Россия қўшинлари Украинага 32 та ҳужумчи учувчисиз учоқлар, шунингдек, турли кўринишдаги олтита ракета билан ҳужум қилди. Натижада Харьков ва Запарожье вилоятларида турар-жой бинолари, ижтимоий объектлар ҳамда юк ва енгил автомобиллар зарар кўрди, 6 киши ҳалок бўлди, 11 киши яраланди.

Россия мусулмонлари диний ассамблеяси раҳбари, муфтий Албир Кгранов Украинада уруш олиб бораётган россиялик мусулмон ҳарбийларга Рамазон ойида рўза тутмасликка рухсат берди.