Нигер Киевни террорчи гуруҳларни қўллаб-қувватлашда айблаб, Украина билан дипломатик муносабатларни узаётганини билдирди. Аввалроқ Мали ҳукумати ҳам худди шундай қарорни эълон қилганди.

Мали июль ойида ҳукумат қўшинларининг жангарилар билан жангдаги оғир мағлубиятида юқори мартабали украин амалдорлари муҳим роль ўйнаганини таъкидлаб, Украина билан дипломатик алоқаларни узишини маълум қилди.

Европа Иттифоқи Украинага Россия Марказий банкининг музлатилган 200 млрд евролик активларидан тушган фойдадан биринчи 1,5 миллиард еврони ажратди. Кремл муносиб жавоб қайтаришга ваъда берди.

Украина «ЗерноFromUA» инсонпарварлик дастури доирасида Фаластинга 1000 тонна буғдой юборди. Мазкур ёрдам 100 мингдан зиёд фаластинлик оиланинг бир ойлик эҳтиёжини қоплайди. Украинадан Ғазога навбатдаги гуманитар юклар “яқин ойларда” етказилиши режалаштирилган.

Россия Украинанинг қатор шаҳарларига уюштирган кенг кўламли ракета ҳужумлари натижасида энг камида 37 киши ҳалок бўлди, уларнинг 3 нафари болалар, 170 дан ортиқ киши жароҳатланди. Киевда жойлашган мамлакатдаги энг йирик болалар шифохонасига жиддий зарар етди.

АҚШ, Исроил ва Украина Киевга саккизтагача Patriot ҳаво мудофаа тизимини етказиб бериш бўйича музокаралар олиб бормоқда. Мутахассислар агар ҳаво ҳужумидан мудофаа тизими Киевга топширилса, бу мамлакатнинг мудофаа қобилиятини сезиларли даражада оширишини таъкидлашмоқда. Шунга қарамай, жуда эҳтиёткор ишғолчи ҳукумат Исроилнинг Украинага ёрдам кўрсатиш бўйича музокараларда иштирок этиши унинг Россия билан муносабатлари ёмонлашишига олиб келишидан қўрқяпти.

Россия президенти Владимир Путин Шимолий Корея ва Вьетнам сафарлари якунлари бўйича матбуот анжуманида чиқиш қилар экан, Украинадаги урушга оид бир неча баёнот берди. Жумладан, Путин Россия қўшинларининг, Украина талаб қилаётганидек, ишғол этилган ҳудудлардан олиб чиқиб кетилиши “афтидан, ҳеч қачон рўй бермайди”, деган. Ғарб мамлакатлари сиёсатчиларининг Россияни жанг майдонида стратегик мағлубиятга учратиш истаги Кремлни фақатгина охиригача боришга мажбур қилиши мумкин.

Қозоғистон Украина бўйича саммитда иштирок этмаганини "қўшни давлат халқаро тадбирлар жадвали тиғизлиги" билан боғлади. ТИВ вакили расмий Остонанинг якуний декларацияга қўшилиш имкониятлари ҳақидаги саволга жавоб бера туриб, "саммитда иштирок этмагани учун бу борада ҳеч нима дея олмаслиги"ни қўшимча қилди.

Швейцарияда Украина бўйича тинчлик саммити Бюргеншток декларациясининг имзоланиши билан якунланди. Якуний декларациянинг аниқ мазмуни ошкор этилмаган. Шунга қарамай, Швейцария президенти Виола Амхерд бу ҳақдаги саволга жавоб бериб, "озиқ-овқат хавфсизлиги ҳеч бир ҳолатда қуролга айланмаслиги кераклиги, савдо кемаларига, фуқаролик портларига ва маршрут бўйлаб ҳужумларга йўл қўйиб бўлмаслиги, барча депортация қилинган ва ноқонуний кўчирилган украиналик болалар ҳамда бошқа ноқонуний ҳибсга олинган украиналиклар ватанига қайтарилиши шартлиги"ни айтиб ўтди. Шунингдек, у атом энергияси ва ядро объектлари хавфсизлигини таъминлаш масаласига ҳам тўхталган.

Украинада уруш бошланган 2022 йилнинг февралидан 2024 йилнинг майигача мамлакатда 2652 дан ортиқ хорижий ширкатлар очилди. Ушбу компанияларнинг 274 таси ёки умумий кўрсаткичнинг 10,1 фоизини ташкил этган ўзбекистонлик инвесторлар турклардан кейинги иккинчи ўринни эгаллади.