2020 йили, Тайерга “сепаратизм” ва “терроризм” айбловлари билан 25 йиллик қамоқ жазоси тайинланган. Бу ҳукм у турмуш ўртоғи билан Мельбурнга учиш арафасида чиқарилган. БМТ Хитой ҳукумати унга қарши бирор-бир ишончли далил тақдим этолмаганига эътибор қаратди. Тайернинг қамоққа олиниши эса бевосита унинг уйғур миллатига мансублиги, Ислом динига эътиқод қилиши ва Туркияда бўлганлиги билан боғлиқлиги айтилмоқда.

Хитой Шарқий Туркистонда амалга ошираётган жиноятларини яшириш учун "геноцид туризми"ни ривожлантиришга уринмоқда. Бундан ташқари, босқинчи ҳукумат 2030 йилга келиб Шарқий Туркистонга йилига 400 миллиондан ортиқ сайёҳни жалб қилишни ва тахминан бир триллион юанга яқин даромад олишни режалаштирмоқда.

Сурия Маориф вазирлиги Шарқий Туркистонлик (уйғурлар) талабаларга бепул таълим берилишини эълон қилди. Энди Шом диёрида ушбу ҳудуддан келган болалар ва ёшлар бошланғич мактабдан тортиб то университетгача ҳеч бир харажатсиз ўқиши мумкин

Хитой ҳукумати уйғурларга нисбатан қатағон сиёсатини давом эттирмоқда: Шарқий Туркистонлик Абдулқодир Абдурраҳмон мамлакатни тарк этишга урингани учун 19 йилга озодликдан маҳрум этилди. У, шунингдек, исломий никоҳдан ўтганликда ҳам айбланмоқда.

Уйғур мусулмон озчилигини мажбурий меҳнатга жалб қилишда айбланаётган Германиянинг Volkswagen автомобиль ишлаб чиқарувчиси Шинжон-Уйғур автоном районидаги (Шарқий Туркистон) заводини сотишни якунлади. Volkswagen раҳбариятининг заводда инсон ҳуқуқлари бузилиши қайд этилмагани ҳақидаги баёнотларига қарамай, компанияга босим кучайган эди.

TikTok фойдаланувчилари иловадаги уйғурлар ҳуқуқлари бузилишига оид видеолар оммавий равишда ўчирилгани ҳақида хабар беришни бошлади. Бундан ташқари, Хитой сиёсатини танқид қилувчи контентлар ҳам олиб ташланмоқда.

Шарқий Туркистонда 2014 йилги воқеалар ортидан қўшниларига Қуръони каримни ўргатган аёл 10 йил муддатга қамалганди. Жазо муддати тугаганидан сўнг озодликка чиққан аёл яна ушланиб, "Қуръон ўқитиш орқали Хитойни парчалаш" айби билан 14 йилга озодликдан маҳрум этилди.

Ғарбнинг 15 давлати Хитойдан ҳибсга олинган барча уйғурлар ва тибетликларни озод қилиш ҳамда ҳуқуқ фаолларига яшаш жойларига боришига рухсат бериш талаб қилинган оммавий баёнотни имзолади.

Британия ташқи ишлар вазири Дэвид Ламми сайловолди кампаниясидаги ваъдаларига қарамай, Хитойнинг уйғур мусулмон озлигига нисбатан муносабатини геноцид деб эълон қилиш режасидан воз кечди. Аввалроқ Британиянинг янги ҳукумати сайловлар олдидан Фаластин давлатини тан олиш ваъдасидан ҳам юз ўгирган эди.

Хитой уйғурлар ва бошқа туркий халқлар истиқомат қиладиган аҳоли пунктлари номларини ҳукумат ташвиқотини акс эттирувчи номларга ўзгартирмоқда. Ҳуқуқ ҳимоячиларига кўра, шу вақтга қадар туркий ёки исломга алоқадор бўлган 630 та қишлоқ номи ўзгартирилган.