Туркия Жанубий Африканинг Исроилни геноцидда айблаб Халқаро судга киритган даъвосига қўшилишга қарор қилди. "Биз танлов қаршисида турибмиз. Ёки қонун ва инсонийликни ҳимоя қиламиз ёки барчамиз Исроил зулмининг бадалини тўлаймиз", - деди Туркия ТИВ раҳбари Ҳоқон Фидан.

Ўзбекистон президенти Шавкат Мирзиёев Туркия вице-президенти Жавдат Йилмазни қабул қилди. Йилмаз Сенат раиси Танзила Норбоева ҳамда иқтисодиёт ва молия вазири Жамшид Қўчқоров билан ҳам музокаралар ўтказди.

Тожикистон Туркиянинг виза тартибини жорий этиш тўғрисидаги қарорига жавоб қайтарди. Унга кўра, Туркия фуқаролари 20 апрелдан Тожикистонга келиш учун виза олишлари талаб этилади.

Туркиянинг Исроилга 54 турдаги маҳсулотлар экспортини тақиқлагани ортидан Тел-Авив АҚШдан турк иқтисодиётига сармоялар киритишни тўхтатишни сўради. Шунингдек, “Туркия иқтисодиётига зарар келтирадиган параллел чоралар кўриш”га ваъда берди.

Туркия президенти Ражаб Тоййиб Эрдўған Тожикистон фуқаролари учун визасиз тартибни бекор қилиш тўғрисидаги фармонни имзолади.

Туркия Савдо вазири Омер Болат 7 октябрдан бери Туркия ва Исроил ўртасидаги савдо ҳажми 33 фоизга қисқарганини маълум қилди. "Ҳукумат, давлат идоралари, давлат компаниялари Исроил компаниялари билан савдо қилгани йўқ", деди вазир.

31 март – якшанба куни Туркияда маҳаллий ҳокимият органларига сайловлар бўлиб ўтади. Яъни фуқаролар ҳоким ва маҳалла оқсоқолларини сайлашади. Туркия президенти ҳузуридаги Коммуникация бошқармаси бошлиғи, профессор Фаҳреттин Алтун Туркияда бўлиб ўтадиган сайловларнинг ўзига хос жиҳатлари, фуқароларнинг сайлов жараёнларига ишончи қандай таъминланиши, ушбу сайловлар натижаларининг халқаро аҳамияти ва бошқалар тўғрисидаги мулоҳазалари билан ўртоқлашди.

Туркия АҚШ Мудофаа вазирлигига М107 гаубицалари учун 116 минг дона 155 мм снаряд етказиб беради. Ушбу снарядлар Вашингтон томонидан Украинага етказиб берилган снарядлар ўрнини эгаллаши керак.

Бельгияда PKK тарафдорлари Туркия фуқаролари, турк мавзелар, масжид, маданият марказлари ва бошқа муассасаларига ҳужум уюштирди. Германияда эса Туркия Бош консулхонаси биносига босқин содир этилди. Франциядаги аэропортда PKK аъзоси Фираз Коркмазнинг Туркияга экстрадициясига қарши гуруҳ тартибсизлик уюштирди. Жароҳатланганлар бор.

Ўзбекистоннинг Истанбулдаги Бош консулхонаси январь-февраль ойларида 163 нафар Ўзбекистон фуқароси Туркияга киритилмагани, уларнинг 54 нафари муқаддам Туркияга келиб, қонунбузарлик содир этиб киришига тақиқ қўйилганлар эканини маълум қилди. Шунингдек, Туркия ҳуқуқ-тартибот идоралари ходимлари ўзбекистонликларга қўпол муомалада бўлаётгани ҳақидаги шикоятлар ҳам келиб тушаётгани айтилди.