Сенатор Абдураҳим Эркаев Сенат ялпи мажлисида Ўзбекистон одил судлов борасида Африканинг айрим мамлакатларидан ҳам орқада қолаётганини айтиб ўтди. Унга кўра, кейинги йиллардаги суд-ҳуқуқ тизимини ислоҳ қилиш бўйича амалга оширилган ишларнинг натижаси кўринмаяпти. Бу ҳолат низоларни ҳал қилишда одил судловга эришиш қийинлиги, суд тизимига ишончнинг сусайиб бораётгани, мурожаатларни кўриб чиқишда адолат ва холислик принциплари аҳоли томонидан сезилмаётганидан далолат беради.