Британиянинг Манчестер шаҳрида Қуръонни ёқиб юборган 47 ёшли эркак ҳибсга олинди. Ҳодиса Glade of Light ёдгорлиги яқинида содир бўлган. Жиноятчи Қуръон саҳифаларини йиртиб ташлаб, бирма-бир ёққан ва бу ҳаракатини ижтимоий тармоқларда жонли эфир орқали намойиш этган.

Швецияда 2022 ва 2023 йилларда бир неча бор Қуръони каримни ёққан ўта ўнгчи сиёсатчи, “Қаттиқ курс” партияси етакчиси Расмус Палудан этник адоват ва ҳақорат қўзғатишда айбланиб суд қилинмоқда. У ўз хавфсизлигидан қўрқиб, суд жараёнида масофадан қатнашмоқда. Унинг қаердалиги қаттиқ сир тутилмоқда.

Швецияда 2023 йил ёзида бир неча марта Қуръони карим намойишкорона ёқилганидан сўнг 15 мингдан зиёд кишига Қуръонга ўт қўйганлардан қасос олишга чорланган SMS-хабарлар юборилган эди. Мамлакат ҳукумати ушбу хакерлик ҳужуми ортида Эрон турганини маълум қилди.