Жанубий Корея президенти Юн Сок Ёль ҳарбий ҳолат жорий этгани учун кечирим сўраб, лавозимида қолиш масаласи ўз партияси ихтиёрида эканини маълум қилди. Бугун Жанубий Корея парламентида президент импичменти тўғрисидаги қонун лойиҳаси бўйича овоз бериш ўтказилади

Жанубий Корея полицияси фавқулодда ҳарбий ҳолат эълон қилган президент Юк Сок Ёлга қарши тергов бошлади. Хабарларга кўра, ҳуқуқ-тартибот идораларига мухолифатдаги Корея тикланиш партияси ва 59 нафар фаолдан президентга қарши шикоятлар келиб тушган.

Жанубий Корея президенти томонидан "Шимолий Кореяга хайрихоҳ кучлардан тозалаш ва либерал конституциявий тузумни сақлаш мақсадида" эълон қилинган ҳарбий ҳолат парламент қарори билан бекор қилинди. Эндиликда президентни импичмент кутмоқда.