Ўзбекистонда гўшт нархи кўтарилиб, экспорт ҳажми ошгани ортидан Қирғизистонда ҳам ушбу маҳсулот кескин қимматлашди. Шу сабабли Қирғизистон ҳукумати гўшт экспортига вақтинчалик тақиқ қўйди.

Мўғулистонда қишда ем-хашак етишмаслигидан 180 минг бош чорва нобуд бўлди. Айни пайтда мамлакат ҳудудининг 90 фоизи қор билан қопланган. Бу эса чорва молларининг қор ва муз қопламалари остидан ем-хашак топишини қийинлаштирмоқда. Таъкидланишича, Хитой, Қозоғистон, Ўзбекистон, БАА ва Эрон Мўғилистон гўштининг асосий истеъмолчилар ҳисобланади.