Исроил қамалдаги Ғазо секторида икки кунлик ўт очишни тўхтатиш ҳақидаги Миср таклифини қабул қилишдан бош тортди. Ушбу ташаббусни ҳукуматдаги кўплаб вазирлар қўллаб-қувватлаган бўлса-да, бош вазир Бенямин Нетаняху қарши чиқди. У музокаралар Ғазога ҳужумлар билан бирга давом этишини талаб қилмоқда.

БМТ Хавфсизлик Кенгаши 7 октябрдан буён илк бор Ғазода ўт очишни тўхтатишни талаб қилувчи резолюцияни қабул қилди. Ушбу қарор фақат Рамазон ойида Ғазода зудлик билан ўт очишни тўхтатишга чақиришига қарамасдан, доимий ва барқарор сулҳга олиб келиши мумкин.