Россия Мудофаа вазирлигининг маълум қилишича, ўқув машғулотлари 15–21 июль кунлари “Термиз” полигонида бўлиб ўтади. Ҳарбий бўлинмалар чегара ҳудудларига ноқонуний қуролли тузилмалар кириб келган тақдирда уларни аниқлаш ва йўқ қилиш, душманнинг кичик гуруҳларига қарши урушиш ва бошқа машқларини бажаради. Россия ҳарбий контингентининг асосий қисмини Тожикистонда жойлашган 201-ҳарбий базаси бўлинмалари ташкил этади.

Мудофаа вазирлиги Чирчиқ тоғ полигонида МДҲ давлатлари бўйича "Макаров" пистолети ва "Калашников" автоматидан ўқ отиш бўйича халқаро мусобақа бўлиб ўтганини маълум қилди. Россия, Беларусь, Қозоғистон, Қирғизистон ҳамда Тожикистон давлатлари вакиллари иштирок этган мусобақада ўзбекистонлик ҳарбийлар ғолиб деб топилган.

Ироқдаги Абу Ғрайб қамоқхонасининг омон қолган собиқ маҳбуслари 20 йил муқаддам ўзларини шафқатсиз ва ғайриинсоний тарзда қийноққа солган, жинсий зўрлаган америкалик ҳарбийларни судга бериш имконига эга бўлди.