"Жанубий Сурхон" сув омбори ҳудудида ҳам сайёҳлик мажмуаси қурилади
Сув тақчиллиги юқори бўлган ҳудудлардан бири – Сурхондарёнинг Қумқўрғон туманидаги “Жанубий Сурхон сув омбори”да ҳам 140 млрд сўмлик экотуризм комплекси қурилади.
ЎзАнинг хабар беришича, ҳудудда экотуризм мажмуасини қуриш учун 15,7 гектар майдон ажратилган.
Йирик сув омборидаги экотуризм масканида коттеж уйлар, бассейн, автотураргоҳ ва автомобилларни ювиш шохобчалари, савдо, умумий овқатланиш ва бошқа маиший хизмат кўрсатиш нуқталари, сув усти айвонлари қад ростлайди.
Олдинроқ, пойтахт аҳолисини сув билан таъминлайдиган Чорвоқ сув омбори этагидаги 577 гектар ер майдони "See breeze Uzbekistan" МЧЖ га 25 йилга тўғридан-тўғри ижарага берилганди. Бу ҳудудда йирик сайёҳлик мажмуаси қурилмоқда. Экологлар бу иншоотнинг қурилиши табиатга зиён етказишидан огоҳлантирганди.
Мавзуга алоқадор
-
Uzbekistan Airways авиакомпанияси 2025 йилги Ҳаж мавсуми бошланиши ва йўловчилар оқими кўпайиши сабабли май ойи давомида Доғистон пойтахти Махачқалъадан Тошкентга рейслар кечикиши мумкинлигини маълум қилди.
-
Ўзбекистон президенти Шавкат Мирзиёев душанба куни бўлиб ўтган йиғилишда қурилишни «коррупциядан холи соҳага»га айлантириш бўйича чора-тадбирларни маълум қилди. Жумладан, мутасаддиларга эскирган 105 та қурилиш нормаларини илғор хорижий тажриба асосида қайта ишлаб чиқиш топширилди.
