Туркиядаги портлашда 12 киши ҳалок бўлди
Туркиянинг ғарбида жойлашган Караси шаҳрида портловчи моддалар ишлаб чиқарувчи заводда содир бўлган кучли портлаш оқибатида камида 12 киши ҳалок бўлди, яна 3 киши жароҳат олган. Бу ҳақда Sabah нашри хабар берди.
Баликесир вилояти губернатори Исмоил Устаўғлининг маълум қилишича, портлаш цехда содир бўлган ва бинога жиддий зарар етказган. Завод тўлиқ вайрон бўлган. Ҳозирда қутқарувчилар вайроналарни тозалаш ва жабрланганларни қидириш ишларини давом эттирмоқда.
“Вайроналар остида қолган уч киши қутқарилди ва шифохонага ётқизилди. Уларнинг ҳолати барқарор”, — деди губернатор. Воқеа жойида тез ёрдам ва ўт ўчирувчилар иш олиб бормоқда.
Портлаш вақтида цехда қанча одам бўлгани ҳозирча номаълум. Воқеанинг аниқ сабаблари ҳамон ўрганилмоқда. Расмийлар фожиага фабрикада хавфсизлик қоидаларига риоя қилинмагани сабаб бўлган бўлиши мумкинлигини тахмин қилишмоқда.
Мавзуга алоқадор
-
2005 йилда ҳокимиятдан ағдарилган Аскар Акаев Қирғизистон Жогорку Кенешига собиқ президент мақомини тиклашни сўраб мурожаат қилди. Парламент фракциялари ва депутатлари маслаҳатлашиб, якуний қарор қабул қилади.
-
Жиноят ишлари бўйича Амударё туман суди Россия қўшинлари сафида Украинадаги урушда қатнашиш учун ҳарбий тайёргарликдан ўтган, бироқ жабҳага жўнатилишдан олдин ватанга қочиб кетган фуқарога нисбатан уч йил муддатга озодликни чеклаш жазосини тайинлади.
