Эрон ядро объектларидаги эҳтимолий ҳалокатнинг Ўзбекистонга ҳам таъсири бор
Иқлимшунос олим Эркин Абдулаҳатовнинг маълум қилишича, Эрон ва Исроил можаролари ортидан ядро объектларидаги эҳтимолий ҳалокатнинг Марказий Осиё минтақасига ҳам таъсири бор. 

Қайд этилишича, радиоактив нурланиш фаоллашган тақдирда, муайян об-ҳаво шароитларида ана ўша ҳудудлардаги радиоактив нур Ўзбекистонга кириб келиши мумкин. Бу мамлакатимизга кириб келувчи ва ривожланувчи 15 синоптик жараённинг 2-3 тасида рўй беради. Бу жараёнлар ёзги термик депрессия ва паст босимли кичик градиентли атмосфераси соҳаси жараёнларидир. Ушбу жараёнлар 11- ва 13-тур синоптик жараёнлари дейилади.

“Бу икки жараён ёз ойларида бизнинг минтақада ҳукмрон жараёнлар экани инобатга олинса, ҳозирги шароитда Эрон ҳудудларидаги оқимларнинг бизнинг минтақага тўсиқларсиз бемалол кириб келишини тахмин қилиш мумкин”, дейди иқлимшунос.

Олдинроқ, АҚШ  Эрондаги учта йирик ядровий объект – Фордо, Натанз ва Исфаҳонга зарба берганди.

Иқлимшуноснинг қайд этишича, турли сунъий йўлдош дастурий маҳсулот маълумотларига кўра, ҳозирда ушбу уч ҳудудда атмосфера таркибидаги радиация миқдори ортиб кетмагани кўрсатилмоқда.

Мавзуга алоқадор

  • Мирзиёев эрта никоҳ учун жавобгарликни кучайтириш топшириғини берди

    Ўзбекистон президенти Шавкат Мирзиёев масъулларга эрта никоҳ учун жавобгарликни кучайтиришга қаратилган қонун лойиҳасини тайёрлаш ҳақида топшириқ берди. Унинг қайд этишича, эрта никоҳ ва эрта туғруқларнинг олдини олиш чоралари кескин кучайтириш мақсадида Бош прокуратура ва Адлия вазирлиги тизимлари интеграция қилинган. Уларни дарҳол аниқлаш ва тегишли чора-тадбирларни белгилаш имконияти кенгайтирилган.

    Давомини ўқиш...

  • Ҳижоб кийган «эркак» сабаб ҳижоб таъқиқланадими? (видео)

    Бугун жамиятдаги исломофоблар томонидан ҳижобга қарши ҳаракатлар бошланган даврда, маъсума ўзбек қизларининг либосига беркинган эркак кишининг «топилиши» алоҳида аҳамиятга оид кейс ҳисобланади. Воқеалар ривожи худди ҳужранинг совуқлиги учун Қуръони каримни ўргатишни буткул тақиқлаш йўлидан кетиб, битта лаънати эркак кишининг ҳижоблангани учун ҳижобни тақиқлаш сценарийси ўйналадими ёки эркакни бу лаънати ишдан қайтариб, аёлларнинг аёллар либосини кийиб юришига қўйиб бериладими?

    Давомини ўқиш...

Энг кўп ўқилган

Тавсия қилинган