Исроил Ғазо секторида босқинчилик ва қирғинбарот урушини бошлаганига 329 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Россиянинг Курск вилоятида маҳаллий аҳолидан “Барс – Курск” кўнгиллилар отрядлари тузилиши маълум қилинди. Шартнома имзолаган кўнгиллилар ўқитилиб, қуроллантирилади. Уларнинг вазифаси Курск вилояти ҳудудида хавфсизликни таъминлашдан иборат бўлади.

Малайзия пойтахти Куала-Лумпурда кўча ўртасида тўсатдан ер ўпирилиши вақтида мўъжизавий тарзда омон қолган эркак воеадан уч кун ўтиб Исломни қабул қилди. Ер ўпирилишида ўрага тушиб кетган ҳиндистонлик сайёҳ аёл жасади ҳалигача қидирилмоқда.

Йигирмага яқин Исроил аскари Ғазо секторига қайтишдан бош тортди. Улардан ўнтаси рад жавобини берса, ҳарбий судга тортилиши ҳақида огоҳлантирилган. Баъзи аскарлар 10 ойлик жанглардан сўнг Ғазога қайтиб бора олмаслигини, аммо бошқа масъулиятни ўз зиммаларига олишга тайёр эканликларини билдирган.

Россиянинг Украинага уюштирган навбатдаги кенг кўламли дронлар ҳужумида Shahed типидаги худкуш учувчисиз учоқ Беларуснинг Гомил вилояти ҳудудига бостириб кирди. Беларус ҲҲК қирувчи самолёти дронни 20 дақиқа кузатиб, сўнгра портлатиб юборди.

2022 йил ўрталаридан буён Шимолий Корея Россияга денгиз орқали 13 мингдан ортиқ контейнер юборди. Юборилган контейнерларда артиллерия снарядлари, мобил зенит-ракета мажмуалари, танкка қарши ракеталар ва бошқа ҳарбий техника ҳамда қуроллар бўлиши мумкин. Бунинг эвазига эса Россиядан энергоресурслар, космик технологиялар олгани айтилмоқда.

Британияда ушбу ойда янги – Gaza-Cola ичимлиги тақдим этилди. Қайд этилишича, янги маҳсулотнинг таъми анъанавий “кола”дан фарқ қилмайди ва машҳур брендни бойкот қилганлар учун муқобил бўлишни мақсад қилган.

Исроил Ғазо секторида босқинчилик ва қирғинбарот урушини бошлаганига 328 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Россия Ички ишлар вазирлиги мамлакатда 630 мингга яқин ноқонуний муҳожир истиқомат қилишини маълум қилди. Уларнинг мамлакатни ихтиёрий равишда тарк этишлари учун 2025 йилда назорат қилинадиган шахсларнинг махсус реестри жорий этилади. Қайд этилишича, 2023 йилда РФда қонуний равишда бўлган меҳнат муҳожирлари сони 3,5 миллион кишидан ошмаган. Уларнинг аксарияти Ўзбекистон, Тожикистон ва Қирғизистон фуқароларидир.

Судан Соғлиқни сақлаш вазирлиги Кеселе ва Гадариф вилоятларида 128 та янги вабо ҳолати қайд этилгани, умумий касалланганлар сони 1351 нафарга етгани ҳамда уларнинг 56 нафари ҳаётдан кўз юмганини маълум қилди. Мамлакатда давом этаётган сув тошқинлари қурбонлари сони эса 138 нафарга етди.