Дунёдаги урушлар вайронагарчилик келтириши, инсон ҳуқуқларининг кенг миқёсда бузилиши ва гуманитар халқаро вазиятни издан чиқариши сир эмас. Шунга қарамай, жаҳонда урушларга бутунлай бошқа тарафдан – манфаат нуқтаи назаридан қарайдиган ўйинчилар ҳам бор. Уруш тужжорлари учун турфа халқлар тортаётган азоб-уқубатлар қурол сотишдан олинадиган миллиардлаб долларлик фойдага таққослаганда арзимасдир.

Ҳиндистон Кашмиридаги Минпур шаҳрида дунёдаги энг катта қўлда ёзилган Қуръони каримлардан бири оммага тақдим этилди. Узунлиги 12,5 метр ва эни қарийб 3 метр бўлган ноёб қўлёзма хаттот Пир Имтиоз Ҳайдар Шоҳ Нуроний Мужададий томонидан ёзилган. Урдуча изоҳли арабча матн яратиш учун котибга 425 кун керак бўлди.

Исроил Ғазо секторида босқинчилик ва қирғинбарот урушини бошлаганига 347 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Японияда кетма-кет 54 йилдан буён 100 ёшдан ошганлар сони ортиб бормоқда. Сентябрь ойи ҳолатига кўра, мамлакатда 100 ёшдан ошган аҳоли сони бир йил ичида қарийб 3 минг кишига кўпайиб, 95,1 минг нафардан ошди.

Суданнинг турли вилоятларида тарқалган вабо касаллигига чалинган сони 9533, эпидемия қурбонлари сони эса 315 нафарга етди. Мамлакатда авж олган қуролли тўқнашувлар ҳамда июнь ойидан буён давом этаётган ёғингарчиликлар ва сув тошқинлари сабабли юз минглаб мусулмонлар қийин аҳволда қолган.

ҲАМАС етакчиси Яҳё Синвар душанба куни Ғазода уруш бошланганидан қарийб бир йил ўтиб, минтақавий иттифоқчилар кўмагида Исроилга қарши курашни давом эттириш учун ресурсларга эга эканлигини маълум қилди. Синвар гуруҳнинг Ямандаги иттифоқчиларига йўллаган мактубида “узоқ давом этадиган вайронкор урушга қарши курашишга тайёрмиз”, деди.

Сўнгги маълумотларга кўра, муҳожирларга қаратилган барча жозибали таклифларга қарамай, Исроил аҳолиси ҳамон 10 млнга етмайди. Қочиб кетаётганларнинг Исроил ҳақидаги фикрлари ва бу мустамлакачи давлатга кўчишни ўйлаётганларга ёмон таъсир қилиши вазиятни янада чигаллаштириши мумкин – журналист ва таҳлилчи Аднан Абдурраззоқ мақоласидан.

Россия президенти Владимир Путин Россия армиясидаги аскарлар сонини тахминан 180 минг нафарга ошириб, умумий ҳарбий хизматчилар сонини 2 млн 389 мингдан ортиқ кишига етказиш ҳақидаги фармонни имзолади.

БМТ маълумотларига кўра, 2030 йилга келиб дунёда 3,3 миллиарддан ортиқ аҳоли тоза сув ва санитария таъминотидан маҳрум бўлиши мумкин. Дунё мамлакатларининг ярмида дарёлар, кўллар ва сувли қатламлар каби чучук сув экотизимлари бузилмоқда, дарёлар ва кўллар қурияпти, сувли қатламлар ҳаддан ташқари эксплуатация қилинмоқда. Бу эса ҳар йили ер ости сувлари сатҳининг кескин пасайишига олиб келмоқда.

Исроил Ғазо секторида босқинчилик ва қирғинбарот урушини бошлаганига 346 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.