Хитой, Россия ва Эрон Пекинда ядровий дастур бўйича музокаралар ўтказди
Хитой, Россия ва Эроннинг юқори мартабали дипломатлари Эроннинг ядровий дастурини муҳокама қилиш учун Пекинда учрашди. Бу учрашув АҚШнинг мулоқотни қайта бошлаш чақириғини Теҳрон рад этганидан бир неча кун ўтиб бўлиб ўтди.

Музокараларда Хитой ташқи ишлар вазирининг ўринбосари Ма Чжаосю, Россия ташқи ишлар вазирининг ўринбосари Сергей Рябков ва Эрон ташқи ишлар вазирининг ўринбосари Казем Гарибабади иштирок этди.

Эроннинг ядровий дастурига оид дипломатик мулоқотларни қайта жонлантириш ва боши берк кўчага кириб қолган музокараларни тиклашга қаратилган мазкур учрашувда Хитой, Россия ва Эрон АҚШ санкцияларининг бекор қилинишини талаб қилиб, Теҳронга қарши иқтисодий чекловлар мулоқотни қийинлаштираётганини таъкидлашди. 

Хусусан, Эрон нефт экспортининг чекланиши ва халқаро молиявий операцияларининг чекланганлиги мамлакат иқтисодиётига жиддий таъсир ўтказмоқда. Россия ва Хитой эса ушбу санкцияларни ғарбий давлатларнинг геосиёсий босими сифатида кўрмоқда.

Хитой ва Россия АҚШнинг глобал етакчилигига муқобил куч сифатида ўз мавқеини мустаҳкамлашга интилаётган бўлса, Эрон ушбу ҳамкорлик орқали иқтисодий ва сиёсий жиҳатдан қўллаб-қувватловга эришишга ҳаракат қилмоқда.

Мавзуга алоқадор

Энг кўп ўқилган

Тавсия қилинган