Украинада президентлик сайловлари санаси маълум бўлдими?
Киев 2025 йил 20 январда АҚШнинг янги сайланган президенти Доналд Трампнинг инаугурациясига тўғри келадиган ўт очишни тўхтатиш ва ҳарбий ҳолат бекор қилиниши мумкин бўлган сценарийни жиддий кўриб чиқмоқда. Бундай ҳолда, Украинада президентлик сайловлари 2025 йилнинг май ойида ўтказилиши кутилмоқда. Бу ҳақда The Economist газетаси Украина ҳукуматидаги манбаларига таяниб хабар бермоқда.
Нашр суҳбатдошларининг сўзларига кўра, ҳозирча сайловларга расмий тайёргарлик кўрилмаган, Украина президенти девони эса бундай ҳаракатлар давом этаётганини рад этади. Бироқ The Economist бунинг аксини кўрсатувчи белгиларга ишора қилмоқда: минтақавий штаблар тузилмоқда ва номзодлар рўйхатини тузиш ишлари олиб борилмоқда. Газетанинг сиёсий манбалари Украина элитасида сайловлар зарур деган фикр борлигини тахмин қилмоқда, бироқ мухолифат вакиллари Владимир Зеленский маъмуриятининг кескин муносабати туфайли очиқчасига гапиришдан қўрқишмоқда.
The Economist нашрининг ёзишича, ҳукуматнинг ёпиқ сўровлари агар яқин кунларда сайловлар ўтказилса, Зеленский катта эҳтимол билан ўзининг потенциал рақиби, Украинанинг Буюк Британиядаги элчиси ва Украина Қуролли кучлари собиқ бош қўмондони Валерий Залужнийга ютқазишини кўрсатмоқда. .
Залужнийнинг ўзи ҳеч қачон сиёсий амбицияларини тўғридан-тўғри билдирмаган, бироқ Украина жамиятида унинг сайловларда иштирок этишига чақириқлар кучаймоқда. Зеленский, манбаларга кўра, уруш даврида мамлакатни бирлаштира олган етакчи сифатидаги обрўсини сақлаб қолган ҳолда президентлик лавозимини тарк этиш орқали ўз мақомини мустаҳкамлаши мумкин. Бироқ бу қарор, агар можаронинг ривожланиши Украинага муваффақият келтирмаса, Зеленский урушнинг салбий оқибатлари билан боғлиқ бўлиши мумкин деган хавф туғдиради.
Дональд Трампнинг ҳокимият тепасига келиши Киевда хавотир уйғотмоқда. Украина раҳбарияти АҚШ янги президентининг шартлари бўйича келишув қабул қилиб бўлмайдиган бўлиши мумкинлигидан хавотирда, чунки унинг таклиф қилган Россия-Украина урушини тугатиш режаси Украинанинг НАТОга аъзолигини истисно қилади ва Украина ҳудудининг 18 фоизи устидан Россия назоратини қолдиришни таклиф этади.
Мавзуга алоқадор
-
Исроил Ғазо секторида босқинчилик ва қирғинбарот урушини бошлаганига 292 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
-
АҚШ ҳукумати харажатларини қисқартириш устида ишлаётган тадбиркор Илон Маск ҳукумат томонидан молиялаштириладиган «Америка Овози» ва «Озодлик/Озод Европа» радиоларини ёпишни таклиф қилди. Унинг таъкидлашича, Европа аллақачон озод ва роадиони ҳечким эшитмайди, миллиардлаб долларлар беҳуда сарфланмоқда.
