Трампнинг инаугурацияси олдидан муҳожирлар АҚШ чегарасидан ўтиб олишга шошилмоқда
Реутерс ахборот агентлиги Мексика жанубидаги муҳожирлар карвонининг суратларини чоп этди. Уларнинг аксарияти АҚШ чегарасигача 1500 км йўл босиши керак бўлади.
Карвонда қатнашувчи муҳожирларнинг кўпчилиги Лотин Америкаси давлатларидан келган. Улар орасида Венесуэладан чиқиб кетган бўлиб, мамлакатдаги сиёсий беқарорлик ва Николас Мадуро ҳукуматига қарши норозилик туфайли янги ҳаёт излашга мажбур бўлганларини айтишмоқда.
Фарзандлари билан сафар қилаётган муҳожир аёл АҚШнинг янги президенти Доналд Трампга мурожаат қилди.
“Биз янги президентдан чегаралар ёпилмасдан аввал бизга ўтишимизга рухсат беришини сўраймиз. Биз орзуларимизнинг ва фарзандларимиз келажагининг барбод бўлишини истамаймиз”, деди аёл.
Доналд Трамп ўз сайловолди кампанияси давомида қаттиқ иммиграция сиёсати олиб боришга ваъда берган эди.
“Овал кабинетдаги биринчи кунимда мен чегараларни ноқонуний муҳожирлар учун ёпиш ва мамлакатимизга бостириб киришларни тўхтатиш бўйича қатор тарихий буйруқларни имзолайман”, деган у баёнотида.
Бу сиёсат ноқонуний равишда чегарани кесиб ўтувчиларнинг қамоққа олиниши ёки депортация қилинишини англатади.
Шунингдек, Трамп Мексикага босим ўтказиб, чегара хавфсизлигини таъминлашга мажбурламоқда. Агар бу амалга ошмаса, у Мексика товарларига жазо божлари жорий этиш билан таҳдид қилмоқда.
Мавзуга алоқадор
-
Хитойда кредитга асосланган ривожланиш ниҳоят ўсишда тўхтаб, мамлакат ва жаҳон иқтисоди учун жиддий хавфга айланиб бормоқда. Мамлакатда бир ҳафтанинг ўзида 40 та банк ёпилди, яна 3800 та молия муассасаси банкротлик ёқасида. Уларнинг аксарияти ишлаб чиқарувчилар ва маҳаллий ҳукуматларга қарз берган.
-
Саудия Арабистони ҳукумати Умра зиёрати учун мамлакатга ташриф буюрувчиларга қўйилган менингитга қарши мажбурий эмлаш талабини бекор қилди. Ушбу қарор 2025 йил 1 февралдан амал қилаётган эди.
