Трамп трансгендерларнинг АҚШ армиясида хизмат қилишини тақиқловчи фармонни имзолади
Дональд Трамп душанба куни АҚШ армиясида муҳим ўзгаришларни жорий этишга қаратилган тўртта фармонни имзолаганини эълон қилди. Ушбу фармонлар трансгендер хизматчиларнинг қуролли кучларда хизмат қилишини тақиқлаш, COVID-19 эмлаш мажбурияти сабабли бўшатилган ҳарбийларни қайта тиклаш ва уларга иш ҳақини тўлаш, шунингдек, армиядаги "ҳилма-хиллик, тенглик ва инклюзивлик" дастурларини қайта кўриб чиқишни ўз ичига олади.
Трампнинг таъкидлашича, фармонлар Флоридадан Вашингтонга қайтиш чоғида имзоланган. Шунингдек, Пентагоннинг янги раҳбари Пит Хегсет бу ўзгаришларни амалга оширишда асосий роль ўйнаши кутилмоқда.
Трамп 2017 йилда илк бор трансгендер хизматчиларни тақиқлаган эди, бироқ 2021 йилда Жо Байден бу чекловларни бекор қилган. Энди янги фармон трансгендер шахсларнинг жисмоний ва ақлий мезонларга жавоб бермаслигини асос қилиб, уларнинг хизмат қилишини қайта чекламоқда.
Янги фармонлар Пентагонда "хилма-хиллик ва инклюзивлик" дастурларини бекор қилиш ва армияни "самарадорликка йўналтириш" учун қўшимча чораларни ҳам кўзда тутади.
Бу ўзгаришлар кўплаб баҳс-мунозараларни келтириб чиқармоқда. Трамп тарафдорлари бу қадамларни армиянинг асосий вазифаларини қайта тиклаш деб ҳисобласа, танқидчилар уларни тенглик ва инсон ҳуқуқларига қарши ҳаракат сифатида баҳоламоқда.
Мавзуга алоқадор
-
Британия ҳукумати “айрим антимусулмон кучларнинг кескинликни келтириб чиқаришига йўл қўймаслик учун” британиялик мусулмонларни ҳимоя қилишга 4 йил давомида 117 миллион фунт стерлинг (тахминан 150 миллион доллар) ажратишга қарор қилди. Янги маблағ масжидлар, мусулмон диний мактаблари ва бошқа жамоат марказларини қўллаб-қувватлашга сарфланади.
-
26 июнь – Халқаро қийноқлар қурбонларини қўллаб-қувватлаш куни. Бутун дунёда қийноқлар қурбонларини қўллаб-қувватлаш халқаро куни айниқса можаро зоналарида давом этаётган қийноқлар манзарасида нишонланмоқда.
