Суриянинг собиқ ички ишлар вазири янги ҳукуматга таслим бўлди
Сурия Ички ишлар вазирлигининг собиқ раҳбари Муҳаммад ал-Шаар 2011 йилдан буён биринчи марта расмийларга таслим бўлди. У Башар Асад ҳукумати даврида ички ишлар вазири лавозимини эгаллаб, намойишларни куч билан бостиришда айбланган ва АҚШ ҳамда Европа Иттифоқи санкцияларига учраган эди.
Янги ҳукумат хавфсизлик кучлари бир неча кун давомида уни қидириб, рейдлар ўтказган. Ал-Шаарнинг таслим бўлиши Асад ҳукумати амалдорлари орасида энг юқори мартабали шахслардан бири қамоққа олинганини англатади.
У 2012 йилда икки суиқасдга учраган, жумладан, ички ишлар вазирлиги биносидаги портлашдан енгил жароҳат олган.
Мавзуга алоқадор
-
Охирги бир ой ичида АҚШнинг Суриядаги базаларига камида 83 маротаба ҳужум уюштирилди. Конико газ заводи ва Дайр-аз-Зордаги Умар нефть кони, Ҳасакадаги Седдади, Ҳимо ва Хараб Жир базалари, шунингдек, Хомсдаги Ат-Танф базаси ҳужумлар нишонига айланди.
-
Жума куни эрталаб Исроил томонидан Дамашқ жанубига ҳаво ҳужуми уюштирилиши оқибатида уч киши, жумладан Эрон Инқилобий гвардияси маслаҳатчиси Саид Алидадий ҳалок бўлди.
