Сурияда мухолиф гуруҳлар қуролсизланишга розилик берди
Суриянинг амалдаги раҳбари Аҳмад аш-Шаръ мамлакатдаги мухолифатчи қуролли гуруҳларнинг ўз қуролли кучларини тарқатишга ва уларни ягона миллий армияга бирлаштиришга келишиб олганини эълон қилди. 

Ушбу баёнот «Ҳайъат Таҳрир аш-Шом» ҳаракати ва бошқа мухолифатчи етакчилар иштирокида ўтган музокаралардан сўнг берилди. Аммо Сурия шимоли-шарқини назорат қилувчи курд кучлари бу келишувда иштирок этмаган.

Аҳмад аш-Шаръ янги миллий армия мамлакатнинг ислоҳ қилинган Мудофаа вазирлиги назорати остида бўлишини билдирди. Унга кўра, бу тузилма мамлакатдаги барча қуролли тузилмаларни қўлга олиб, ягона давлат назоратига ўтади.

Куни кеча янги ҳокимият “ҳеч қандай шароитда давлат назоратидан ташқари қуроллар бўлишига йўл қўйилмаслигини” таъкидлади. Бу эса курд ҳудудларига ишора қилиши мумкинлиги айтилмоқда.

13 йил давом этган фуқаролик уруши натижасида Сурияда ярим миллиондан ортиқ одам ҳалок бўлган. Ҳокимият мухолиф ҳудудларни бирлаштириш ва давлатнинг яхлитлигини сақлаб қолиш учун барча кучларни сафарбар этишни режалаштирмоқда.

Мавзуга алоқадор

  • Риши Сунак бош вазирликдан истеъфога чиқишини билдирди

    Буюк Британия бош вазири Риши Сунак Консерватив партиянинг парламент сайловларида мағлубиятга учрагани ортидан истеъфога чиқиш нияти борлигини маълум қилди. “Бу ишга бор кучимни бердим, лекин сиз Британия ҳукумати ўзгариши кераклиги ҳақида аниқ сигнал юбордингиз”, - деди у. Британия бош вазири, шунингдек, Консерватив партия номзодлари ва ходимларидан саъй-ҳаракатлари самарасизлиги учун узр сўради.

    Давомини ўқиш...

  • Саудияда 73 йиллик тартиб – спиртли ичимликлар тақиқи бекор қилинадими?

    Олдинроқ, Саудия Арабистони 2026 йилдан бошлаб мамлакатда 73 йилдан бери амал қилаётган алкогол тақиқларини қисман бекор қилишга қарор қилгани ҳақида хабарлар пайдо бўлди. Маҳаллий нашрлар ушбу қарор фақат чет эллик сайёҳлар учун мўлжалланган танланган ҳудудларга тааллуқли экани ҳақида ёзишди. Аммо кутилмаганда Саудия Арабистони ҳукумати спиртли ичимликларга қўйилган тақиқ олиб ташланиши ҳақидаги хабарларни қатъий рад этди.

    Давомини ўқиш...

Энг кўп ўқилган

Тавсия қилинган