Саудия Арабистони Афғонистон билан дипломатик муносабатларни тиклади
Саудия ҳукумати Афғонистондаги вазиятнинг барқарорлашганини инобатга олган ҳолда Кобулдаги дипломатик ваколатхонаси фаолиятини қайта тиклашга қарор қилди. Саудия ташқи ишлар вазирлиги 22 декабрь куни расмий баёнот билан чиқиб, Афғонистон билан дипломатик муносабатларни тиклаганини эълон қилди.

Кобулнинг муносабати

Афғонистон ҳукумати Саудиянинг ушбу қарорини олқишлади. Ташқи ишлар вазирлиги матбуот котиби Зиё Аҳмад бу қарорни муносабатларни мустаҳкамлаш йўлидаги муҳим қадам сифатида баҳолади. 

“Биз Саудия Арабистони ва Афғонистон ўртасидаги алоқаларнинг ривожланишига катта умид билдирамиз. Бу орқали Саудияда яшовчи афғонларнинг муаммоларини самарали ҳал қилиш имконияти пайдо бўлади”, - деди у. 

Саудия Арабистони 2021 йил август ойида Афғонистонда ҳокимият ўзгариши ва вазиятнинг беқарорлашуви сабабли ўз дипломатларини Кобулдан чиқариб олган эди. Бироқ ўша йилнинг ноябрь ойида Саудия консуллиги қисман иш бошлаб, гуманитар ёрдам етказиб беришда фаол бўлган. Энди эса вазият барқарорлигини кўриб, Ар-Риёд Кобул билан тўлиқ дипломатик муносабатларни тиклашга қарор қилди.

Мазкур қарор Афғонистон ва Саудия ўртасидаги муносабатларни яхшилашга, жумладан, иқтисодий ҳамкорлик, гуманитар ёрдам ва Афғонистонда истиқомат қилувчи Саудия фуқаролари ва муҳожирларнинг ҳуқуқларини ҳимоя қилиш йўлида янги имкониятлар очиши кутилмоқда.

Мавзуга алоқадор

  • Бу "Нетаняху уруши" эмас, бу Исроилнинг геноциди

    Фаластинда биз гувоҳ бўлаётган фалокатни битта бадбахт раҳбарга юклаб қўйиш тўғри эмас! Халқим бошига тушган бу мусибатларда фақат Исроил бош вазири айбдор эмас. Бугун Исроил бомбалари Ғазонинг ҳар бир бурчагини вайрон қилаётганига, вайроналар остида болалар ҳалок бўлаётганига фақат уни айбламаган бўлардим. Мен 2013 йилда, Ғазода халқимнинг қирғин қилинаётганини хабарларда эшитганимда ҳам фақат уни айбламадим.

    Давомини ўқиш...

  • Google Хариталарда "Мексика кўрфази" "Америка кўрфази"га айланди

    Google Хариталар хизмати АҚШ фойдаланувчилари учун Мексика кўрфазини расман "Америка кўрфази" деб номлай бошлади. Трамп маъмуриятининг тегишли қарорига асосан, Google Хариталарда АҚШдан кирувчи фойдаланувчилар учун янги ном акс эта бошлади. Мексикадаги фойдаланувчилар учун эса кўрфазнинг аввалги номи сақланиб қолади, бошқа мамлакатларда эса иккала ном ҳам кўрсатилади.

    Давомини ўқиш...

Энг кўп ўқилган

Тавсия қилинган