Россиянинг олтин захиралари 229 миллиард долларга етди
Россия ўзининг молиявий барқарорлигини мустаҳкамлашда давом этмоқда. Марказий банк маълумотларига кўра, 2025 йил март ойи якунларига кўра мамлакатнинг олтин захиралари қиймати рекорд даражадаги 229 миллиард долларга етди.
Бир йил ичида бу кўрсаткич 38 фоизга ўсди. Солиштириш учун, 2024 йил март ойида олтин захиралари 166 миллиард долларни ташкил этганди.
Диққатга сазовор жиҳати шундаки, Россиянинг халқаро резервларида олтиннинг улуши ҳам изчил ортиб бормоқда. Ҳозирда бу кўрсаткич 35,4 фоизни ташкил этмоқда ва бу 2024 йилдаги 28 фоизлик даражадан анча юқори.
Таҳлилчиларнинг айтишича, олтин захирасининг ўсиши ва унинг халқаро резервлардаги улушининг ошиши Россиянинг ўз активларини диверсификация қилишга ва геосиёсий беқарорлик шароитида доллар ва бошқа анъанавий резерв валюталарига қарамликни камайтиришга кўмак бериши мумкин.
Мавзуга алоқадор
-
Бугунга қадар Россиянинг энг даромадли компанияларидан бири сифатида баҳоланиб келган “Газпром” 2024 йилда 1,076 триллион рубль зарар кўрди. Бу компания учун рекорд даражадаги йўқотиш бўлиб, кунлик зарар ҳажми қарийб 3 миллиард рубльни ташкил қилди. Шундай бўлса-да, расмий хабарларда даромад ўсгани қайд этилган.
-
Россия Либерал-демократик партияси Давлат Думасига патент асосида ишлаётган мигрантлардан 30% даромад солиғи ундириш таклифини киритди. Партия раҳбари бу чора бюджет даромадини ошириш ва ҳудудлар ривожига ҳисса қўшишини таъкидламоқда. Агар таклиф қабул қилинса, мигрантлар учун солиқ юки икки бараварга ортади.
