Россия ва Сурия музокаралари: товон ёки Асаднинг экстрадицияси?
Дамашқда Россия ва Суриянинг янги ҳукумати ўртасида илк музокаралар ўтказилди. Учрашувда Россиянинг Суриядаги ҳарбий мавжудлигини сақлаб қолиш, товон тўлаш масаласи ва Башар Асаднинг экстрадицияси муҳокама қилинди.
Россия томонидан музокараларда ташқи ишлар вазири ўринбосари Михаил Богданов ва президентнинг Сурия бўйича махсус вакили Александр Лаврентев иштирок этди.
Шунингдек, иқтисодий ҳамкорлик доирасида Россиянинг йирик компаниялари вакиллари ҳам Дамашққа ташриф буюрди.
Сурия томонидан мамлакат президенти Аҳмад ал-Шаръа, ташқи ишлар вазири Асаад аш-Шибоний ва соғлиқни сақлаш вазири Маҳер ал-Шаръа иштирок этди.
Россия Суриядаги денгиз порти ва авиабазасидан фойдаланишни давом эттиришни хоҳламоқда, аммо келишувга эришилмаган.
Суриянинг янги ҳукумати Россияни товон тўлаш ва қайта қуриш ишларида ёрдам беришга чақирди. Шунингдек, Москвадан мамлакатни тарк этган собиқ президент Башар Асадни топширишни талаб қилди.
Учрашувдан сўнг, Россия делегацияси музокараларни давом эттиришга келишиб олинди. Кремль матбуот котиби Дмитрий Песков бу масалалар бўйича изоҳ беришдан бош тортди.
Мавзуга алоқадор
-
Ҳиндистоннинг Гужарат штатидаги поездда Қуръон тиловат қилаётган масжид имоми “покистонлик” деб айбланиб, уч киши – икки эркак ва бир аёл томонидан шафқатсизларча калтакланди. У бу вақтда ўзи раҳбарлик қилаётган мадраса учун хайрия йиғиш мақсадида Анклешвар шаҳрига кетаётган бўлган.
-
Суриянинг Жўлон тепаликларида БМТ миссиясида иштирок этган Қозоғистон тинчликпарвар кучлари медаллар билан тақдирланди. Қозоғистон контингенти Сурияда ўт очишни тўхтатиш, БМТ базаларининг хавфсизлигини таъминлаш ва миналардан тозалаш ишларини бажармоқда.
