Россия бир ҳафта ичида Украинага 1400 дан ортиқ ҳаво ҳужумини амалга оширди
Украинадаги уруш янада кучайиб, Россия армияси фақат сўнгги ҳафта ичида мамлакат ҳудудига 50 га яқин ракета, 660 та дрон ва 760 дан ортиқ ҳаво бомбалари билан ҳужум қилган.
1 феврал шанба куни амалга оширилган ҳужумлар Суми, Харков ва Полтава шаҳарларига катта зарар етказди. Бу ҳужумларда 15 киши, жумладан, 9 ёшли София каби тўрт нафар бола ҳалок бўлган.
BILD муҳаррири Карен фон Гуттенберг Россия президенти Владимир Путинга мурожаат қилиб:
"Ушбу боланинг айби нима эди?" – деди.
Украина президенти Владимир Зеленский Ғарбдан янада кўпроқ ҳаво ҳужумидан мудофаа тизимлари ва узоқ масофали ракеталар тақдим этишни талаб қилди.
"Дунё Россияни ўзининг шафқатсиз ва асоссиз тажовузини тўхтатишга мажбур қилиши керак," – деди Зеленский.
Шунингдек, Украина раҳбари Россияга нисбатан халқаро санкциялар босимини кучайтириш лозимлигини яна бир бор таъкидлади.
Мавзуга алоқадор
-
Россияда узоқ вақт (30 йил ва ундан кўп) бир никоҳда яшаганларга «мукофот пули» тўланиши мумкин. Тегишли қонун лойиҳаси давлат Думасига бугун, 14 феврал куни киритилади. Муттасил бир никоҳда 30 йил яшаганларга 30 минг рубл (335 доллар атрофида) берилади.
-
АҚШнинг Колумбия университети раҳбарияти Фаластинни қўллаш мақсадида ўтказилган норозилик акциясида иштирок этган талабаларни ўқишдан четлатди. Санкция қўлланган талабалар сони аниқ очиқланмаган.
