Панама канали Хитой ҳарбийлари назоратида – Трамп
АҚШнинг собиқ президенти Дональд Трамп Рождество муносабати билан қилган кинояли мурожаатида Панама канали ва Хитой ҳарбийлари ҳақида баёнот берди. У ўзининг Truth Social саҳифасида «Панама каналини ноқонуний равишда бошқараётган устомон Хитой ҳарбийлари»ни Рождество билан табриклади.
Трамп ўз баёнотида Панама канали қурилиши чоғида АҚШ томонидан 38 минг киши йўқотилганини ва каналнинг техник хизмат кўрсатуви учун миллиардлаб доллар сарфланганини таъкидлаган. Шу билан бирга, у Қўшма Штатларнинг канални бошқариш ҳуқуқига эга эмаслигига танқидий ёндашиб, бундай «адолатсизлик»ни тўғирлаш вақти келганини қўшимча қилган.
Трампнинг «Канада АҚШнинг 51-штатига айланиши керак»лигини таъкидлагани ва Канада бош вазири Жастин Трюдони «губернатор» деб атагани ҳам кенг муҳокамаларга сабабчи бўлганди.
Трампнинг Панама канали ҳақидаги баёноти ушбу мамлакатда норозиликларга сабаб бўлди. Панама президенти Хосе Раул Мулино мазкур баёнотга кескин муносабат билдириб, мамлакат суверенитетига тажовуз қилинишини рад этди.
Мавзуга алоқадор
-
Россияда фирибгарлар мамлакатдаги таниқли диний арбоб, “Еттинчи авлод” маҳаллий мусулмонлар диний ташкилоти раҳбари Алишер Жураевнинг овозини сунъий интеллект ёрдамида сохталаштирди. Улар Жураевнинг катта миқдорда қарз сўраган овозини оммавий тарқатишган.
-
АҚШнинг Нью-Йорк шаҳри тимсолларидан ҳисобланган Таймс-скверда таровеҳ намози ўқилди. Намоздан сўнг мусулмонлар Ғазо учун дуо қилишди.
