Кашмирлик савдогарлар Ҳиндистонда ҳужумга учради
Ҳиндистоннинг Муссоорие шаҳрида 20 йилдан бери шарф сотиб келган покистонлик Шабир Аҳмад Дар ва унинг шериги ҳужумга учради. Уларни миллатчи ҳиндлар омма олдида дўппослаб, ҳақорат қилган. Маҳсулотларини эса талон-тарож қилишган.
Савдогар Дарнинг айтишича, радикаллар уларни ҳақоратлаб, шаҳардан чиқиб кетишини буюрган. Уларнинг минглаб долларлик маҳсулотлари эса ҳали ҳам миллатчиларнинг қўлида.
Ҳужум видеоси интернетда тарқалди: полиция уч нафар ҳужумчини қисқа муддатга ҳибсга олган, аммо жарима солиб, тезда озод қилган. Шу воқеадан сўнг Дар ва у билан бирга ишлаган бошқа ўнлаб кашмирлик савдогарлар Муссоориени тарк этди.
Мавзуга алоқадор
-
Ҳиндистон ва Покистон ўртасидаги зиддият яна-да кескинлашмоқда. Деҳли 1960 йилда Жаҳон банки воситачилигида имзоланган Ҳинд дарёси сувларидан фойдаланиш бўйича битимни номаълум муддатга тўхтатиб қўйди. Бу дарё Покистоннинг миллионлаб аҳолиси учун асосий ичимлик ва суғориш манбаи ҳисобланади.
-
Покистон Мудофаа вазири Ҳаважа Муҳаммад Асифнинг баёнотига кўра, Россия ва Хитой Ҳиндистон назорати остидаги Жамму ва Кашмир штатининг Паҳалгам ҳудудида содир бўлган теракт бўйича халқаро тергов жараёнига қўшилиши мумкин. Вазирнинг таъкидлашича, Исломобод ҳарбий тўқнашувни бошлаш ниятида эмас, бироқ, агар Ҳиндистон кескинликни кучайтирса, Покистон бунга муносиб жавоб қайтаради.
