Исроил халқаро ташвиқот учун 150 миллион доллар ажратмоқчи
Исроил парламенти (Кнессет) мамлакатнинг халқаро миқёсдаги тасвирини яхшилаш мақсадида тарғибот бюджетига қўшимча 150 миллион доллар ажратиш ҳақида қарор қабул қилди. Бу ҳақда Кнессет матбуот хизмати хабар берди.
Мазкур маблағлар асосан қуйидаги йўналишларда сарфланиши режалаштирилган:
Ғазодаги урушга нисбатан халқаро салбий муносабатни юмшатиш.
Ғарб мамлакатларида Исроил армиясига қарши чақириқларни антисемитизм сифатида кўрсатиш.
Европа ва АҚШда исломофобия ва ўнг қанот кайфиятларини тарғиб қилиш.
Исроил ташқи ишлар вазири Гидеон Саъар бу маблағларни мамлакат манфаатларини ҳимоя қилиш учун муҳим сармоя сифатида баҳолади.
"Исроилнинг халқаро майдондаги позициясига таъсир қиладиган тарғибот ҳаракатлари ўнлаб йиллар давомида етарли манбалардан маҳрум бўлган. Бу маблағлар мамлакатимизнинг дунёдаги обрўсини мустаҳкамлашга ёрдам беради", деди у.
Бу қарор, айниқса, Ғазо уруши билан боғлиқ халқаро танқидларга қарши йўналтирилган. Исроилнинг янги медиа стратегияси, шунингдек, Ғарб мамлакатларидаги иқтисодий санкцияларни тўхтатишга қаратилган.
Мавзуга алоқадор
-
“Толибон” 20 йил муқаддам Афғонистоннинг Нангарҳор вилоятида ўғирлаб кетилган ва Калифорнияда умрбод қамоқ жазосини ўтаётган Хон Муҳаммад америкалик асирлар эвазига озодликка чиққанини маълум қилди. Ҳаракат унинг озод қилинишида ёрдам бергани учун Қатарга миннатдорчилик билдирди.
-
АҚШ Конгрессининг Вакиллар палатаси Исроилга 17,6 миллиард доллар ёрдам ажратиш ҳақидаги қонун лойиҳасини рад этди. Ҳужжат фақатгина Исроилга кўмакни ўз ичига олгани, Украина, Ғазо, Тайван ва жанубий чегара хавфсизлиги масалалари киритилмагани сабабли қабул қилинмаган.
