Исроил сулҳни бузяптими?
Ўт очишни тўхтатиш тўғрисидаги келишув эълон қилинганига қарамай, Исроилнинг Ғазо секторини бомбалаши оқибатида бугун эрталабдан бери 50 га яқин одам ҳалок бўлди. Уларнинг орасида аёллар ва болалар бор.
Ғарбга яқин манбаларнинг ёзишича, Исроил сулҳ битимини тасдиқлашдан бош тортмоқда. Бош вазир Биньямин Нетаньяху бунга ҲАМАС келишувларнинг айрим қисмларидан қайтганлигини сабаб қилиб келтиряпти.
Қизиғи ушбу баёнот Ғазода 15 ойлик урушга чек қўйиши мумкин бўлган сулҳ эълон қилинганидан 24 соат ўтмай, янгради.
Фаластин қаршилик ҳаракати сиёсий бюроси аъзоси Иззат ал-Ришқ эса ҲАМАС келишувга содиқ эканини таъкидлаган.
Бироқ Исроил телерадиокомпанияси (КАН) босқинчи мамлакат ҳукумати муҳокамалар давом этаётгани сабабли келишувни тасдиқлашни ортга сураётгани ҳақида хабар берган.
Мавзуга алоқадор
-
Хитойнинг Zhejiang Communications Construction Group Co компанияси Тожикистонда Марказий Осиёдаги энг узун автомобиль кўпригини қуради. Янги кўприк Роғун ГЭСи қурилиши доирасида сув остида қоладиган мавжуд автомобиль йўлида барпо этилади.
-
Россия президентига Крокус Сити Холлдаги терактда иштирок этганликда гумонланиб 11 киши, жумладан тўрт террорист қўлга олингани ҳақида маълумот берилди. Ижтимоий тармоқларда террорчиларнинг Тожикистон фуқаролари экани ҳақидаги хабарлар тарқалди. Ўз навбатида, Тожикистон ТИВ ушбу хабарларни “фейк” деб атади. Теракт қурбонлари сони 93 нафарга етди.
