Германиялик дипломат тожикистонлик эркакларни «гендер тенглиги» йўлида курашишга чақирди
Германиянинг Тожикистондаги элчиси Йорк Шуграф маҳаллий эркакларни «гендер тенглиги» ғояларини қўллаб-қувватлаш ва ушбу жараёнда фаол иштирок этишга чақирди. Бу ҳақда у «AsiaPlus» нашрига берган интервьюсида айтиб ўтди.
Шуграфнинг таъкидлашича, Тожикистонда «гендер тенглиги» ғояларини тарғиб қиладиган фуқаролик жамиятида эркакларнинг иштироки кам. Унинг фикрича, гендер тенглигини таъминлашда эркакларнинг иштироки муҳим аҳамиятга эга, чунки бу барча одамларнинг ижтимоий, сиёсий ва иқтисодий ҳаётда тенг ҳуқуқларга эга бўлишини таъминлашга ёрдам беради.
«Мен Тожикистонда «гендер тенглиги» муҳимлигини тушунадиган йигитларни учратдим, лекин кўплари бу ҳақда очиқ гапиришдан қочишади. Турмуш ўртоғингиз, дўстларингиз билан мулоқот қилинг ва сабрли бўлинг! Улар ўзлари ўзгариши мумкин, лекин бу жараён зўравонлик ёки босим билан эмас, мулоқот орқали бўлиши керак», деган у.
Германия элчихонаси мамлакатда гендер тенглигини ривожлантириш бўйича қатор лойиҳаларни қўллаб-қувватламоқда. Бунда Германия ташқи ишлар вазири Анналена Бербокнинг феминистик ташқи сиёсати асосий ўрин тутади. Шу доирада Тожикистонда Internews агентлиги билан ҳамкорликда маҳаллий оммавий ахборот воситалари учун «гендер-таъсирли» журналистика соҳасида лойиҳалар амалга оширилган.
Афсуски, «Гендер тенглиги», «жинсий эркинлик» ва бошқа жимжимадор, бироқ асоси пуч бўлган ғоялар таъсирида Европада оила инқирози, туғилишнинг кескин камайиб кетиши, жиноятчиликнинг ўсиши каби ҳолатлар кузатилаётган бўлса-да, Ғарб давлатлари бу каби иллатларни мусулмонлар орасига ҳам ёйишга уринмоқда.
Мавзуга алоқадор
-
Британиялик генерал Чарли Ҳербет иш жойида шампан ичгани учун Афғонистондан чиқариб юборилди. У Ҳамид Карзай президентлиги даврида амалдорларга мураббийлик қилган.
-
Сурияда мухолифат кучлари Курдистон ишчи партияси (ПКК) назоратида бўлган Манбиж шаҳрини тўлиқ қўлга киритди. Дайр аз-Зор вилояти маркази, Тал-Рифат, Букамал ва Майядин ҳудудларидан ҳам ПКК сиқиб чиқарилди. Исроил ПККни "минтақада барқарорликни таъминловчи куч" деб атаб, халқаро ҳамжамиятни уни қўллаб-қувватлашга чақирди.
