Бомбаланаётган Ғазо: 414-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 414 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Хон Юнис, Зайтун минтақаси, Жабалия ва Нусейрат лагерларига ҳужум қилди. Бугун тонг саҳардан бери босқинчилар 38 кишини ўлдирди.
▪️Камал Адван касалхонаси иккинчи кундирки, нацистлар томонидан бомбардимон қилинмоқда.
▪️Ғазо фуқаролик мудофааси: Ғазо шимолидаги қамал ва давом этаётган бомбардимон бошланганидан бери 2300 киши ҳалок бўлди ва бедарак йўқолди.
▪️Ал-Қассам бригадалари Рафаҳ, Жабалия ва Ғазо марказида босқинчиларни йўқ қилиш амалиётларини ўтказди. Байт-Лахияда ишғол ускуналари йўқ қилинди.
▪️БМТ: Очлик нафақат Ғазо шимолида, балки Сектор маркази ва жанубида ҳам кузатилмоқда.
▪️Наблусдаги Ғарбий Соҳилда қаршилик жангчилари ишғол бульдозерини портлатиб юборишди. Худди шу шаҳарда босқинчилар тез ёрдам бригадасини ҳибсга олишган ва калтаклашган.
▪️Босқинчи Бен Гвир ўнлаб кўчманчилар билан биргаликда Иброҳим пайғамбар масжидига бостириб кириб, у ерда Талмуд маросимларини ўтказди.
▪️Исроил самолётлари Байрутнинг Баста ҳудудидаги бир нечта кўп қаватли биноларни ер билан вайрон қилди. Шу соатларда 4 марҳумнинг жасади топилди.
▪️Нацистлар ҳужумида Баалбекдаги Дар ал-Амал касалхонаси директори ва муассасанинг 6 нафар тиббиёт ходими ҳалок бўлди. Ливанда уруш бошланганидан бери 226 шифокор ҳаётдан кўз юмди.
▪️"Ҳизбуллоҳ" Ҳайфадаги техник базага, Аккадаги Шрага базасига зарба берди, Хиёмда аскарлар 5 марта ўқ узди ва шу соатларда Наҳария ва Шломияда сиреналар янгради.
▪️Голландияда нодавлат ташкилотлар "Исроил билан савдо алоқалари давом этаётгани ва Ғазодаги қирғинбаротга чек қўйишдаги муваффақиятсизлик" айблови билан ҳукуматга қарши даъво очди.
▪️Венгрия бош вазири Виктор Орбан Халқаро жиноий суднинг ҳибсга олиш қарорига риоя этмаслигини ва Нетаняхуни мамлакатга таклиф қилишини билдирди.
Мавзуга алоқадор
-
Исроил Ғазо секторида босқинчилик ва қирғинбарот урушини бошлаганига 211 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
-
Бангладешда давлат иш ўринлари учун квота тизимига қарши кенг кўламли намойишлар Олий суд ҳукумат қарорини бекор қилганига қарамасдан давом этмоқда. Тўқнашувларда камида 187 киши ҳалок бўлди. Комендантлик соати пайшанбагача узайтирилди, бутун мамлакат бўйлаб интернет ўчирилган. Бош вазир Шайх Ҳасина чекловчи чоралар вазият яхшиланмагунча давом этишини маълум қилди.
