Асаднинг рафиқаси ажрашиб, Лондонга кетмоқчи
Сурия президенти Башар Асаднинг рафиқаси Асма Асад ажрашиш учун ариза бериб, туғилиб ўсган ватани Британияга кўчиб ўтиш ниятида эканини маълум қилди. Туркиянинг “А Haber” нашрининг хабар беришича, Асма Асад Лондонда даволанишни давом эттириш учун юридик ёрдам олиш мақсадида йирик фирмаларга мурожаат қилган.
2024 йил май ойида унга ўткир миелоид лейкемия ташхиси қўйилган ва унинг онаси ҳам қизининг Лондонда даволаниш истагини қўллаб-қувватлаётгани айтилмоқда. Бироқ Асманинг Европа Иттифоқи ва Британия томонидан қўлланган санкцияларга дуч келгани унинг ҳаракатларини қийинлаштирмоқда. Унга саёҳат қилиш тақиқланган ва активлари музлатилган.
Ҳозирда Асма Москвада қаттиқ назорат остида бўлиб, Россиядан чиқиш учун рухсат сўрагани, аммо бу сўров ҳали кўриб чиқилаётгани ҳақида хабар қилинди. Асма Асаднинг келажаги ноаниқ, чунки сиёсий, ҳуқуқий ва соғлиқ муаммолари унинг қарорларига жиддий таъсир кўрсатмоқда.
Мавзуга алоқадор
-
Исроил бош вазири Беньямин Нетаняху АҚШ маъмуриятига ҳар қандай кўринишдаги Фаластин давлати ташкил этилишига қарши эканлигини айтди. “Нетаняхудан кейинги кун. Кўпчилик Исроил фуқаролари учун бу кейинги кун. 30 йил давомида мен доимий равишда бир нарсани айтдим: бу можаро давлатнинг йўқлиги ҳақида эмас, балки унинг мавжудлиги ҳақидадир”, - деди у.
-
Британияда пайшанба куни бўлиб ўтган умумий сайловлардан сўнг турли этник миллатга мансуб 87 нафар парламент аъзосига парламентда вакиллик қилиш ҳуқуқи берилди. Уларнинг 66 нафари Фаластинни тан олишга ваъда берган Лейбористлар партияси аъзосидир. 2019 йилги сайловлардан бери миллий озчилик вакилларидан депутатлар сони 21 нафарга кўпайди.
