Lids universiteti professori Salmon Sayyid Britaniya boʻylab boʻlib oʻtgan musulmonlarga qarshi namoyishlar islomofobik tashviqotlar mahsuli ekanini maʻʻlum qildi. Biroq, uning taʻʻkidlashicha, oʻn yillar davomida olib borilgan tashviqotlarga qaramasdan, musulmonlar, nomusulmonlar, turli irq vakillari, soʻlchilar va irqchilikka qarshi boʻlgan barcha pogromchilarga qarshi namoyishlarga chiqib, ularning ovozlarini oʻchirdi.

Britaniyada “Pride of Britain” (“Britaniya faxri”) mukofotiga sazovor boʻlgan etnik turkman ayolga 20 yoshlar atrofidagi 3 yigit hujum qilib, kaltaklagan, uni haqoratlab, “musulmon yurtiga qaytib ketish”ni talab qilgan. Ishbilarmon ayol Maya Amangeldieva Turkmanistonda tugʻilgan, biroq uzoq yillardan beri Britaniyada yashaydi.

Nigeriya, Birlashgan Arab Amirliklari, Malayziya va Indoneziya Britaniyadagi fuqarolarini mamlakat miqyosida sodir boʻlayotgan tartibsizliklar hamda "musulmonlar yoki rangli odamlar"ga qarshi hujumlar fonida odamlar gavjum joylarga borish va sayohat qilishdan ogohlantirib, ehtiyot choralarini koʻrishni tavsiya qilmoqda.

Britaniyaning Plimut shahrida muhojirlar va musulmonlarga qarshi tartibsizliklarni amalga oshirgan oʻta oʻng guruhning olti nafar aʻʻzosi qoʻlga olindi. Politsiya bayonotiga koʻra, toʻqnashuvlar chogʻida irqchilikka qarshi parallelʻ oʻtkazilayotgan namoyishda radikallarni ishtirokchilardan ajratib turgan politsiya xodimlari yaralangan.

Britaniyada “oʻta oʻng qanot bezorilar” tomonidan mamlakat boʻylab musulmonlar va qora tanlilarga qarshi pogromlar uyushtirildi - oʻtkinchi qora tanlilar kaltaklandi, masjidlarga hujumlar amalga oshirildi. Bunga musulmon boʻlmagan va Britaniyada tugʻilgan qora tanli oʻsmirning bolalarga pichoq bilan hujum uyushtirgani sabab boʻldi. Mamlakat bosh vaziri bezorilarni javobgarlikka tortishga vaʻʻda berdi.

Britaniyaning Sautport shahrida dushanba kuni raqs darsida nomaʻʻlum shaxs bolalarga hujum qildi, ulardan uch nafari halok boʻldi, bir qanchasi yaralandi. Hujumchining Ugandadagi genotsiddan qochib, Britaniyada panoh topgan oilaning 17 yoshli oʻgʻli amalga oshirgani aytilmoqda. Hodisadan soʻng shaharda tartibsizliklar roʻy berdi, yuzlab oʻta oʻng ekstremistlar Islam Society masjidiga hujum uyushtirdi.

Britaniya Qurolli Kuchlari qoʻmondoni general Roland Uoker kelgusi uch yil ichida urushga tayyorgarlik koʻrish, 2027 yilgacha britan armiyasining jangovar qobiliyatini ikki barobarga oshirish zarurligini taʻʻkidladi. Uning fikricha, Rossiya, Eron va Xitoy Britaniyaga xavf tugʻdirishi mumkin. “Urush muqarrar emas, ammo mojaroga tayyorgarlik koʻrish va uning oldini olish uchun vaqt etarli”, dedi qoʻmondon.

Britaniyada payshanba kuni boʻlib oʻtgan umumiy saylovlardan soʻng turli etnik millatga mansub 87 nafar parlament aʻʻzosiga parlamentda vakillik qilish huquqi berildi. Ularning 66 nafari Falastinni tan olishga vaʻʻda bergan Leyboristlar partiyasi aʻʻzosidir. 2019 yilgi saylovlardan beri milliy ozchilik vakillaridan deputatlar soni 21 nafarga koʻpaydi.

Gʻazodagi qatliomdan soʻng Buyuk Britaniya Isroilga qurol sotishni keskin kamaytirdi. Qayd etilishicha, qurol eksporti boʻyicha berilgan ruxsatnomalarning soni urushdan oldingi koʻrsatkichga nisbatan 95 foizga tushgan. Shunga qaramay, tashqi siyosatda oʻzining ayyorona harakatlari bilan mashhur boʻlgan qirollik Gʻazo sektorida qirgʻinbarot urush boshlanganidan beri yahudiy davlatiga 100 dan ortiq qurol eksporti litsenziyasini tasdiqlagan.

Britaniya parlamentining 180 nafar a'zosi isroillik lobbichi guruhlar tomonidan moliyalashtiriladi. Jumladan, Leyboristlar partiyasi yetakchisi Key Starmer 2020-yilda bo‘lajak umumiy saylovlarda ishtirok etuvchi boshqa bir qancha nufuzli muxolifat nomzodlar bilan bir qatorda 64 ming dollar olgani ma'lum boʻldi.