Isroil Eronning yadroviy inshootlar va F14 samolyotlari saqlanadigan harbiy baza joylashgan Isfaxon shahriga hujum uyushtirdi. Hujum Eron mudofaa tizimlari tomonidan bartaraf etildi. Jabrlanganlar yoʻq.

Hindiston turk kemasozlik kompaniyalari bilan harbiy-dengiz kuchlariga 5 ta kema etkazib berish boʻyicha 1,5-2 milliard dollarlik kelishuvni bekor qildi. Bunga Turkiyaning Pokiston bilan hamkorligi va Kashmir masalasida Hindistonga qarshi pozitsiyasi sabab boʻlishi mumkin.

Afgʻonistondagi Tolibon harakati va Amerika Qoʻshma Shtatlari boshchiligidagi NATO kuchlari oʻrtasida davom etgan 20 yillik urushdan soʻng Tolibon kuchlari poytaxt Qobulni nazorat ostiga oldi va 2021 yil 15 avgustda AQShning soʻnggi qoʻshinlari Qobul aeroportini tark etdi. Bu voqeadan taxminan bir oy oʻtgach, Tolibon butun mamlakatni ham oʻz nazoratiga olib, yangi maʻʻmuriyat tuzib, mamlakatni boshqarish uchun muvaqqat hukumat tashkil qildi. Shunday qilib, Tolibon harakati uchun yangi bosqich boshlandi. Yaʻʻni Tolibon ishgʻolchilarga qarshi kurashadigan kichik guruhdan butun bir davlatni boshqaradigan maʻʻmuriyatga aylanib qoldi.

Gʻazodagi urush boshlanganidan buyon soʻnggi voqealar fonida koʻtarilgan eng muhim savollardan biri quyidagicha: AQSh prezidenti Jo Bayden maʻʻmuriyati nega Gʻazoda oʻt ochish toʻxtatilishini istamaydi?

Isroil falastinliklarni koʻchaga olib chiqish va ularni oson nishonga aylantirish uchun yigʻlayotgan ayollar va goʻdaklarning ovozlari yozuvlaridan foydalanmoqda. Ovoz qaerdan kelayotganini aniqlash va yordam berish uchun chiqqanlarni otib oʻldirmoqda. Shuningdek, tinch aholini qoʻrqitish va ruhiy azoblash maqsadida boshqa tovushlarni ham qoʻllamoqda.

Isroil Gʻazo sektorida bosqinchilik va qirgʻinbarot urushini boshlaganiga 195 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

Venesuela prezidenti Nikolas Maduro Isroilning Gʻazodagi siyosatini qoʻllab-quvvatlayotgan Argentina prezidenti Xaver Maylini xiyonatkorlikda aybladi. U Maylini “sionistlar laganbardori” va “fashist” deb atadi.

Moskva muftiysi Ilʻdar Alyautdinov Troitsk shahridagi Abu Bakr masjidi buzib tashlanganiga izoh berar ekan, “Bu voqea musulmonlarning qalbida ogʻriq bilan aks-sado beradi”, dedi. Uning soʻzlariga koʻra, Yangi Moskvadagi “Ilm va eʻʻtiqod” musulmonlar jamoati masjidning “barcha talablarga javob beradigan yangi binosini qurishga tayyorgarlik koʻrmoqda”.

Google xodimlari Nʻyu-York va Kaliforniyaning Sunniveyl shaharlarida Isroil bilan hamkorlikni toʻxtatishni talab qilib namoyishga chiqdi. Oʻn soatlik namoyishlar ortidan bir qancha faollar politsiya tomonidan hibsga olindi.

Butun dunyoning nigohi Gʻazo va Ukrainaga qarab turgan bir vaqtda, bir yildan buyon fuqarolik urushidan aziyat chekayotgan 50 million aholiga ega Sudanda 15 ming tinch aholi qurbon boʻldi, 25 million kishi ochlikdan aziyat chekmoqda va 11 million kishi oʻz uylarini tark etdi. Biroq xorijiy homiylar Xartumga Kievga qaraganda 1000 baravar kamroq yordam ajratmoqda.