Tojikiston Tashqi ishlar vazirligi Rossiyaning Dushanbedagi elchisi Semyon Grigorʻevga Tojikiston fuqarolarining Rossiyadagi huquqlari poymol etilishiga qarshi norozilik notasini topshirdi.

Britaniya tashqi ishlar vaziri Devid Kemeronning Markaziy Osiyo boʻylab hashamatli shaxsiy samolyotda safar qilgani prokuratura va muholifat tanqidiga uchradi. TIV qimmatbaho samolyot ijaraga olingani boʻyicha izoh berdi.

Isroil Gʻazo sektorida bosqinchilik va qirgʻinbarot urushini boshlaganiga 206 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

Iroq parlamenti 1988 yilda qabul qilingan fohishalikka qarshi qonunga oʻzgartirishlar kirituvchi qonun loyihasini qabul qildi. Unga koʻra, bir jinsli munosabatlar 15 yilgacha, LGBT faoliyatini targʻib qilish 7 yilgacha qamoq jazosiga sabab boʻladi. Yangi qonunda jinsini oʻzgartirganlar va bunday jarrohlik amaliyotini qilgan shifokorlar uchun ham jazo choralari belgilandi.

AQShda Falastinni qoʻllab-quvvatlab oʻtkazilayotgan talabalar namoyishlari yanada avj olmoqda. Shu vaqtga qadar 700 dan ortiq talaba qoʻlga olindi. Namoyishlar esa mamlakatdagi 80 dan ziyod oliygohlarni qamrab oldi. Gʻazolik bolalar esa ularga oʻziga xos tarzda minnatdorchilik bildirmoqda.

Mingga yaqin Tojikiston fuqarosi Moskvaning bir qancha aeroportida qolib ketmoqda. Ular orasida Rossiya hukumati hisobidan tahsil olayotgan tojik talabalari ham bor. Uzoq kutishlardan soʻng ularning bir qismi – 322 nafari RF hududiga kiritilgan boʻlsa, 306 nafarini mamlakatdan chiqarib yuborish rejalashtirilgan. Tojikiston TIV fuqarolarni Rossiyaga safar qilishdan tiyilishga chaqirmoqda.

Har yili dunyoning turli qismlarida suv toshqinlari roʻy berib turadi. Bu mavzudagi xabarlarni oddiy qabul qilib oʻrganib qolganmiz, hatto eʻʻtibor ham bermaymiz. Aksariyat toshqinlar dunyoning olis qismlarida roʻy bergani uchun bizga mutlaqo aloqasi yoʻq, deb hisoblaymiz ham. Ammo doʻppini erga qoʻyib, bu haqda jiddiy oʻylash, bizni kutayotgan ehtimoliy ofatlarga tayyorgarlik koʻrish vaqti keldi. Chunki barchamiz bitta kemadamiz – BAA, Ummon, Tanzaniya yoki Xitoyda roʻy bergan suv toshqinlari bizning ham eshigimizni qoqib turibdi. Yaqinda Rossiya va Qozogʻistonda kuzatilgan toshqinlarning epkinini esa tanamiz bilan his qildik ham.

Isroil Gʻazo sektorida bosqinchilik va qirgʻinbarot urushini boshlaganiga 204 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

AQShning oliy harbiy rahbariyati uchun 13 milliard dollarga yangi “qiyomat samolyoti” buyurtma qilindi.

“Tolibon” Afgʻonistonga qoʻshni 3 davlatni IShIDga yordam berishda ayblab, biri IShIDni jangarilar bilan taʻʻminlayotgan boʻlsa, ikkinchisi ularni tayyorgarlikdan oʻtkazayotgani, uchinchisi esa moliyalashtirayotganini maʻʻlum qildi. Ushbu davlatlar nomi ochiq aytilmagan boʻlsa ham, gap Tojikiston, Pokiston va Eron haqidagi ketayotgani aytilmoqda.