Moliyaviy tahlilchilar va risk-menejerlar gilʻdiyasi kuzatuv kengashi aʻʻzosi, iqtisod fanlari nomzodi Aleksandr Razuvaev Rossiyada islom bank ishi haqidagi mulohazalarini eʻʻlon qildi. U mamlakatda islom bankini joriy etish orqali Koʻrfaz davlatlaridan mablagʻlar jalb etish, Gʻarb sanktsiyalarini aylanib oʻtish mumkinligini taʻʻkidladi. Shuningdek, islomiy birjalar roʻyxatini keltirdi. “Islom bankida ishlash uchun esa professional boʻlish kifoya, musulmon boʻlish shart emas”, deb yozdi iqtisodchi.

Isroil harbiylari jangovar it Daun sindromi va autizmga chalingan 24 yoshli falastinlik Muhammad Bharni tilka-pora qilib oʻldirishiga qoʻyib berishdi. Shuningdek, ular Muhammadga yordam berishlariga ham toʻsqinlik qilishgan. BBC holat haqida dastlab “Gʻazolik Daun sindromli erkakning yolgʻizlikdagi oʻlimi” sarlavhasi ostida xabar berdi, oʻquvchilarning tanqididan soʻng esa “Gʻazolik Daun sindromiga chalingan erkakka Isroil armiyasi iti hujum qildi va oʻlimga tashlandi, deydi onasi” deb oʻzgartirildi.

Polʻshaning Sanoatni rivojlantirish agentligiga qarashli WSK Poznan davlat kompaniyasi Eronning qishloq xoʻjaligi traktorlari ishlab chiqaruvchi Motorsazan kompaniyasiga sotgan yoqilgʻi nasoslari sotgan. Ushbu ehtiyot qismlar keyinchalik jangovar uchuvchisiz uchish apparatlariga oʻrnatilgan, dronlar esa Rossiya tomonidan Ukrainadagi urushda ukrain havo mudofaasini yoʻq qilish va jabha chizigʻidan uzoqdagi infratuzilma obʻʻektlariga zarba berish uchun sotib olingan.

Ukraina «ZernoFromUA» insonparvarlik dasturi doirasida Falastinga 1000 tonna bugʻdoy yubordi. Mazkur yordam 100 mingdan ziyod falastinlik oilaning bir oylik ehtiyojini qoplaydi. Ukrainadan Gʻazoga navbatdagi gumanitar yuklar “yaqin oylarda” etkazilishi rejalashtirilgan.

Amerikalik milliarder Ilon Mask oʻz jinsini oʻzgartirmoqchi boʻlgan maktab oʻquvchilarini himoya qilish haqidagi qonun tufayli X va SpaceX kompaniyalari shtab-kvartirasini Kaliforniyadan Texasga koʻchirmoqchi. Gap shundaki, endi Kaliforniyada maktab oʻquvchisining transgenderlikni tanlagani hatto uning ota-onasidan ham sir saqlanadi. Tadbirkor yangi tartib orqali bolalarning hayoti xavf ostida qoldirilayotganini taʻʻkidlamoqda.

Isroil Gʻazo sektorida bosqinchilik va qirgʻinbarot urushini boshlaganiga 285 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

AQSh prezidentligiga nomzod Donalʻd Trampga uyushtirilgan hujum vaqtida halok boʻlgan 50 yoshli oʻt oʻchiruvchi Kori Komperatorning posti ijtimoiy tarmoqlarda tarqalib, 35 mlndan ortiq oʻqildi. Unda erkak sionistlarning bombardimonidan jabr koʻrayotgan falastinliklarni Ikkinchi jahon urushi davrida AQShning yadroviy hujumi qurboni boʻlgan yaponlar bilan solishtirgan.

Dogʻiston muftiyatida fatvolar boʻlimi qaytadan tashkil etilishi maʻʻlum qilindi. Ushbu boʻlim shariatga koʻra niqobni taqiqlash uchun asoslar topilmaganini eʻʻlon qilganidan soʻng "zamon talablariga mos kelmagani" uchun yopilgan edi.

CNN AQSh hukumati Eron Donalʻd Trampga suiqasd uyushtirmoqchiligi haqidagi razvedka maʻʻlumotlari olgani, shu boisdan Maxsus xizmat sobiq prezident atrofida xavfsizlik choralarini kuchaytirganini maʻʻlum qildi. Biroq bunday choralar oʻz samarasini bermadi, shu bilan birga, manbalar 20 yoshli yigitning fitnaga aloqadorligi haqida hech qanday maʻʻlumot berilmagan.

Pokiston shimoli-gʻarbidagi harbiy baza va tibbiyot markaziga qurolli terrorchilik hujumi natijasida 28 kishi, jumladan, 10 nafar harbiy, ayol tibbiyot xodimlari va bolalar halok boʻldi. Pokiston ushbu hujumlarda Afgʻonistonni aybladi, oʻz navbatida, “Tolibon” hujumlarga aloqadorligini rad etdi.