Bombalanayotgan Gʻazo: 375-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 375 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Isroil ishgʻol kuchlari soʻnggi 24 soat ichida Gʻazo sektorida oilalarga qarshi toʻrtta qirgʻin uyushtirdi, natijada kamida 55 falastinlik halok boʻldi, yana 329 kishi jarohat oldi.

▪️Mahalliy sogʻliqni saqlash idoralari 7 oktyabrdan beri Isroil hujumi oqibatida halok boʻlgan falastinliklar soni 42 344 kishi halok boʻlganini, yana 99 013 kishi jarohat olganini tasdiqladi. Qurbonlarning aksariyati ayollar va bolalardir.

▪️Seshanba kuni isroillik mustamlakachilar Isroil ishgʻol politsiyasi himoyasi ostida bosib olingan Quddusdagi Al-Aqso masjidi hovlilariga bostirib kirdi. Guvohlarning aytishicha, oʻnlab mustamlakachilar guruhlar boʻlib Al-Aqso masjidiga bostirib kirgan, ulardan baʻʻzilari "epik sajda" kabi Talmud marosimlarini bajargan.

▪️Isroil ishgʻol kuchlari bosib olingan Gʻarbiy Sohilda kamida 25 nafar falastinlikni, jumladan bir qizni hamda bir necha sobiq mahbusni hibsga oldi. Urush boshlangan 2023 yilning oktyabrʻ oyidan buyon Gʻarbiy Sohilda, jumladan Quddusda 11300 dan ortiq falastinlik hibsga olingan.

▪️AQSh Eronning ballistik raketalarini qaytara olmagan Isroil havo hujumidan mudofaa tizimi uchun shunday kuchga qodir THAAD ilgʻor havo mudofaa tizimini hamda uni ishlatish va bunga oʻqitish uchun oʻz harbiy mutaxassislarini yubormoqda.

▪️27 sentyabrʻ kuni Bayrutga uyushtirilgan hujumda Hizbulloh etakchisi Hasan Nasrulloh bilan birga boʻlgan Eron Inqilobiy Gvardiyasi qoʻmondoni Abbos Nilfarushanning jasadi Eronga keltirildi. Uning dafn marosimi Xomanaiy tomonidan oʻtkaziladi.

▪️Isroil Livan shimolidagi asosan nasroniylar yashaydigan shaharchaga zarba berdi: 18 kishi halok boʻldi.

▪️Germaniya tashqi ishlar vazirligi matbuot kotibi Sebastʻyan Fisher: “Isroil Gʻazoda genotsid qilayotganiga oid hech qanday alomat koʻrmayapmiz”.

▪️Isroilning Ashdod yaqinida falastinlik odamlarga qurolli hujum uyushtirdi: 1 ta yahudiy oʻldi, 4 tasi yaralandi. Hujumni sodir etgan falastinlik shahid boʻldi.

▪️Albaniyada tashkil etiladigan Bektoshiy-Alaviy avtonom davlati rahbari Baba Mondi: “Oʻzimni Isroil xalqining birodari deb bilaman”.

▪️Iordaniya sogʻliqni saqlash maʻʻlumotlarini qayta ishlash va saqlash boʻyicha Presight Isroil-BAA qoʻshma kompaniyasi bilan kelishuvga erishdi.

Mavzuga aloqador

Eng ko‘p o‘qilgan

Tavsiya qilingan