Starbucks bosh direktori Brayan Nikkol isroilning Gʻazo sektoridagi genotsidi sabab kompaniyaning boykotga uchrashi brendga oʻta yomon taъsir qilayotganini tan oldi.

Malayziyaliklar tomonidan Isroilga qarshi boykot sababli Starbucks kompaniyasi mamlakatdagi 408 ta doʻkonidan 50 tasini vaqtincha yopishga majbur boʻldi. Kompaniya savdolari ikki barobarga qisqargan va yarim yillikda 20,5 million dollar zarar koʻrgan.

Amerikaning Starbucks qahvaxonalar tarmogʻining global savdosi joriy yil iyulʻ-sentyabrʻ oylarida 7 foizga kamaydi, sotuvlar ketma-ket uchinchi chorakdan buyon pasaymoqda. Shu bilan birga, har bir aktsiyadan tushgan daromadi ham oʻtgan yilning shu davriga nisbatan 25 foizga kamaygan.

Amerikaning KFC tamaddixonalar tarmogʻi Isroilning Gʻazo sektoriga uyushtirgan hujumlariga javoban boshlangan boykot ortidan Malayziyadagi 108 ta filialini vaqtincha yopdi. Avvalroq KFC reklama kampaniyasida "Kechirasiz, bu erda chodirlar yoʻq, barmogʻingizni yalaydigan yaxshi tovuqlar bor" degan mazmundagi jumlani ishlatgan edi. Bu soʻzlar chodirlarda yashayotgan millionlab gʻazodiklarning ustidan kulish sifatida qabul qilindi. Mcdonald's va Starbucks daromadlari ham pastladi.

Yaqin Sharqdagi Starbucks huquqlariga ega boʻlgan AlShaya Group Fors koʻrfazi giganti Gʻazodagi urush bilan bogʻliq isteʻʻmolchi boykotidan aziyat chekayotgani sababli 2000 dan ortiq ish oʻrinlarini qisqartirishni rejalashtirmoqda.

Starbucks boykotlarga munosabat bildirar ekan, "Bizning pozitsiyamiz aniq. Biz insoniyat bilan birgamiz", dedi.