Oʻzbekiston Qozogʻistonning suv toshqinlaridan jabr koʻrgan hududlari aholisi uchun 15 ta yuk mashinasida insonparvarlik yordami joʻnatdi. 100 tonna yukni oʻz ichiga olgan mazkur yordam qiymati 10 milliard soʻmni tashkil etishi maʻʻlum qilindi.

Qozogʻistonda “Ommaviy axborot vositalari toʻgʻrisida”gi yangi qonun qozoq tilidagi axborotlar ulushini bosqichma-bosqich oshirishga qaratilgan. 2025 yildan boshlab qozoq tilidagi tele va radio dasturlar umumiy hajmining kamida 55 foizini, 2027 yildan esa 60 foizini tashkil qilishi kerak.

Qozogʻiston prezidenti Qosim-Jomart Toqaev toshqindan jabr koʻrgan hududlarga yordam berishga mahalliy milliarderlarni jalb qilish gʻoyasini taklif qildi. U har bir viloyat, tuman va qishloqqa mamlakatdagi eng boy kishilardan birini biriktirish zarurligini taʻʻkidladi.

Qozogʻiston prezidenti oiladagi zoʻravonlik uchun jinoiy javobgarlik joriy etuvchi qonunni imzoladi. Unga koʻra, endilikda salomatlikka engil shikast etkazganlar jinoiy javobgarlikka tortiladi. Bolalarga nisbatan ham qanday zoʻravonlik shakli uchun javobgarlik kuchaytirildi.

Qozogʻistondagi keng koʻlamli suv toshqinlari bilan bogʻliq vaziyat tufayli 13-14 iyunʻ kunlari oʻtkazish rejalashtirilgan Ostona xalqaro forumi bekor qilindi. Tadbir 2025 yilda oʻz ishini davom ettiradi. Mamlakatning 6 ta viloyatida 6 mingga yaqin uy-joylar va dalalar suv ostida qolmoqda.

Ural daryosi sathi butun davr uchun rekord darajada koʻtarilishi natijasida Rossiyaning Orenburg viloyatida aholi punktlarini suv bosishda davom etmoqda. Toʻgʻonlar suv bosimiga bardosh bera olmayapti. Odamlar ommaviy evakuatsiya qilinmoqda. Qozogʻistonning shimoliy hudududlarida ham oxirgi 80 yillikdagi eng yirik suv toshqinlari kuzatilmoqda.

Qozogʻiston prezidenti Qasim-Jomart Toqaev 5 aprelʻ kuni tashrif bilan Oʻzbekistonga keldi. Xiva shahrida prezidentlar norasmiy uchrashuv oʻtkazdi. Muzokaralarda ikki davlat oʻrtasidagi har tomonlama hamkorlikdan tashqari, Markaziy Osiyo mintaqasida barqarorlik va xavfsizlikni taʻʻminlash masalalari boʻyicha fikr almashdi.

Qozogʻistondagi Samara-Chimkent yoʻlida Toyota Alhpard avtomobili Volvo yuk mashinasi bilan toʻqnashib ketdi. Natijada engil avtomobilda boʻlgan 8 nafar oʻzbekistonlik halok boʻldi. Oʻzbekiston prezidenti ularning jasadini Mudofaa vazirligi samolyotida vatanga qaytarish hamda dafn marosimlarini oʻtkazish boʻyicha topshiriq berdi.

Qozogʻistonning turli viloyatlarida roʻy bergan suv toshqinlari sababli 12,7 mingdan ziyod kishi, jumladan, 5101 nafar bola evakuatsiya qilindi. Toshqinlar sababli Rossiya-Qozogʻiston chegarasidagi mahalliy va xalqaro ahamiyatga ega yoʻllar toʻsilib qoldi.

Qozogʻiston AQShning energetika kompaniyalari bilan 2032 yilgacha uran etkazib berish boʻyicha shartnomalar tuzdi. Maʻʻlumotlarga koʻra, Qozogʻiston jahon uran zaxiralarining 12 foiziga ega va 2022 yilda 21 ming tonnaga yaqin uran ishlab chiqargan, bu oʻsha yili jahon miqyosidagi ishlab chiqarishning 43 foizini tashkil etgan.