Saudiya Arabistoni ziyoratchilarni bu yilgi haj mavsumida Makkada oʻrtacha eng yuqori harorat meʻʻyordagidan 1-2 daraja yuqori boʻlib, 44 darajaga etishi mumkinligidan ogohlantirdi. Oʻtgan yilgi haj mavsumida 2 ming nafardan ortiq ziyoratchi issiq urishidan aziyat chekkan.

Ramazon oyidan keksalar va imkoniyati cheklangan ziyoratchilarga qulaylik yaratish maqsadida Makka masjidi tomida golʻf mashinalarini qisqa muddatga ijaraga berish xizmati yoʻlga qoʻyildi. 10 kishiga moʻljallangan mashinalardan faqat tavof uchun foydalanish mumkin.

Saudiya Arabistoni hukumati sanitariya meʻʻyorlari sababli masjidlar ichida iftorlik oʻtkazish taqiqlanganidan soʻng Makka va Madina shaharlaridagi iftorliklar masjidlar tashqarisida oʻtkazilishi maʻʻlum qilindi. Shuningdek, imom va muazzinlarga Ramazon oyida iftorlik uyushtirish uchun moddiy ehson yigʻish cheklandi.