Rossiya prezidenti huzuridagi Inson huquqlari kengashi tijoriy va turar joy binolaridagi namozxonalarni yopish va taqiqlash masalasini koʻrib chiqmoqda. Bunga ushbu namozxonalarning aholiga noqulaylik tugʻdirayotgani sabab qilib koʻrsatilmoqda.

AQShning Garvard universiteti talabalari oliygoh rahbariyati kampus va sinfxonalarda islomofobiya holatlari, jumladan, falastinlik, arab va musulmon talabalarga qarshi tahdid va hujumlar eʻʻtiborsiz qoldirilayotgani ustidan shikoyat yoʻlladi. Talabalarga Amerika musulmonlar yuridik jamgʻarmasi koʻmak koʻrsatmoqda.

Kanada bosh vaziri Jastin Tyurdo mamlakatda islomofobiya holatlari ortib borayotganidan xavotir bildirdi. U hukumat fuqarolar “oʻz uylarida, mahallalarida va ibodat joylarida oʻzlarini xavfsiz his qilishlari” uchun barcha zarur saʻʻy-harakatlarni amalga oshirishini maʻʻlum qildi.

Garvard universitetining sobiq rahbari OTM hududida Falastinni qoʻllab oʻtkazilgan aktsiyalar ortidan haqorat va oʻlim tahdidlariga uchraganini bildirdi.

AQShning Nʻyu-Jersi shtatida masjid imomiga oʻqotar quroldan hujum qilindi, u ogʻir tan jarohati bilan kasalxonaga yotqizildi.

AQShda 13 yoshli musulmon oʻquvchi qizga boshini kesib tashlash bilan tahdid qilgan 51 yoshli oʻqituvchi hibsga olindi.